№7 Máseleniń sheshiliwi hám kelgen juwaplar
Sheshiliwi:
Dáslep 10 lıq sanaq sistemasında berilgen sandı basqa sanaq sistemasına aylandıramız. Onnan soń basqa sanaq sistemasına aylandırǵan sanda birdey cifrlar bar yamasa joqlıǵı tekseriledi. Máselen, 10, 123, 4358 sanlarında birdey cifrlar joq, al 101, 3342, 10000 sanlarında birdey cifrlar birneshe. Tekserip shıǵıw qolaylı bolıwı ushın, 10 lıqtaǵı sandı basqa sanaq sistemasına aylandırıw waqtında, hárbir aylanǵan cifrin massivke menshiklep baramız.
10 lıq sanaq sistemasınan basqa sanaq sistemasına ótkeriw tómendegishe ámelge asırıladı: 10 lıqtaǵı sandı basqa sanaq sistemasınıń tiykarına bólip barıladı. Máselen, 2 likke ótkeriw kerek bolsa, 2 ge, 3 likke ótkeriw kerek bolsa 3 ke hám t.b. Eń aqırında izden baslap, barlıq qaldıqların birlestirsek tiyisli sanaq sistemadaǵı san payda boladı.
10 lıqta berilgen 25 sanın, 2 lik sanaq sistemasına ótkereyik:
25 (10 lıq) = 11001 (2 lik)
Usı sandı 3 lik sanaq sistemasına ótkereyik:
25 (10 lıq) = 221 (3 lik)
Tap usınday jol menen 2, 3, …, 36 lıq sanaq sistemalarına aylandıramız hám payda bolǵan jańa san cifrların massivke jazıp baramız. Massiv ushın qansha orın ajıratıw kerek? Bunı anıqlaw ushın másele shártinde berilgen aralıqtaǵı eń úlken sandı 2 likke aylandırıp neshe xanalı san payda bolıwın kóreyik. Yaǵnıy, 1000000000 (10 lıq) = 11 1011 1001 1010 1100 1010 0000 0000 (2 lik). 2 likte 30 xanalı san payda boldı. Sonıń ushın, massivke 30 orın ajıratsaq jetkilikli boladı eken. Ne ushın 2 likte tekserip kórdik? Sebebi, eń kóp xanalı san 2 likte shıǵadı. Bunı ózlerińizde tekserip kórseńiz boladı.
Tek ǵana 1 durıs hám anıq juwap keldi.
Anvar Saparbaev
Ózimizdiń kod:
Siz bunnanda jaqsı, effektiv algoritm dúze alsańız, bizge xabar beriń!
Baylanıs ushın: A.Orınbaev