№5 Máseleniń sheshiliwi hám kelgen juwaplar
Sheshiliwi:
Máseleni sheshiwdiń 2 jolın qarap ótemiz. Birinshisi, java.math paketindegi BigInteger klasınan paydalanǵan halda, ekinshisi uzın sanlardı esaplawdıń algoritminen paydalanǵan halda.
1. BigInteger klası. Javada java.math paketinde BigInteger klası bar bolıp, bul klastan qashan ádettegi (primitiv) tiplerge mánisler sıymay qalǵanda paydalanıw múmkin. Bul klass diapazonı anıq shegaralanbaǵan bolıp, paydalanıp atırǵan kompyuter yadı menen teń boladı. Biraq bul klastıń ózgeriwshileri (obyektler) ústinde matematikalıq ámeller arnawlı metodlar járdeminde ámelga asırıladı. Máselen “+” ámeli add(), “-” ámeli subtract(), “*” ámeli multiply(), “/” ámeli divide() hám t.b. BigInteger klası menen tómendegi saytlardan tolıq tanısıp shıqsańız boladı:
- https://metanit.com/java/tutorial/12.2.php
- https://docs.oracle.com/javase/7/docs/api/java/math/BigInteger.html
BigIntegerden paydalansaq heshqanday quramalı algoritm shárt emes, tek ǵana eki sandı qosamız. Tómendegi oqıwshılar usı klasstan paydalanıp máseleni sheshken:
Ruslan Duysenbaev
Nurlıbay Kóshkinbeav
Anvar Saparbaev
Ajiniyaz Jarılkapov
Ózimizdiń kod (Javada):
2. Uzın sanlardı qosıwdıń algoritminen paydalanamız, yaǵnıy mektepte úyrengen 2 sandı qosıwdın algoritmi. Bunda sanlardı izinen baslap qosamız, eger qosılǵan sanımız 9 dan artıp ketse, sol sannın pútin bólegin yadta saqlaymız, qaldıq bólegin nátiyjege jazıp baramız. Keyingi cifrlardı qosqanda, yadtaǵı sandı da qosıp qoyımız kerek hám 9 dan úlken bolsa joqarıdaǵı ámellerdi tákirarlaymız. Bul process san cifrlarınıń barlıǵın qosıp bolaman degenshe dawam etedi. Bunda sanlardı qatarlarǵa jazamız hám kerek cifrlardı qosıw waqtında olardı pútin tipke aylandıramız. Eger sanlardıń uzınlıqları hár qıylı bolsa, kishi sannıń aldın 0 ler menen toltıramız. Biraq nátiyjege shıǵaratuǵın waqıtta 0 lerdi alıp taslaymız.
Programma kodı (Javada):
Siz bunnanda jaqsı, effektiv algoritm dúze alsańız, bizge xabar beriń!
Baylanıs ushın: A.Orınbaev