Buyuk yurt qurajakmiz

4215 Allabergenova Rayxon, Iqtisodiyot fakulteti

Bosh egib xizmattamiz shu yurt uchun

Ko'zi qora niyati oq shu el uchun

Onamizdek boshimizni silagan u

Buyuk ishlar qilajakmiz Vatan uchun

Bu Vatanni kimlar orzu qilmagandi

Kimlar aziz jonin fido qilmagandi

Yurtdan ayro ne zotlar qon yig'lagandi

Biz ularni ruhini shod etajakmiz

Tuprog'ida ne daholar izi qolgan

Qulog'ida buyuk zotlar so'zi qolgan

Yurtim deya qadamidan shiddat yog'gan

Biz bu yurtga munosib xalq bo'lajakmiz

Bizga boylik kerak emas boylik shu yurt

Bizga borliq kerak emas borliq shu yurt

Gar jannatni xohlasangiz shudir jannat

Shu jannatning bog'iga gul ekajakmiz

Ey Allohning nazaridan qolmagan el

Qalblarini Qur'on nuri bezagan el

Yuzlaridan Islom nuri yog'rilgan el

Biz bu yurtga iymon nurin yog'dirgaymiz

Shu yurtmasmi Alisherni shoir qilgan?

Shu yurtmasmi Ulug'bekni olim qilgan?

Dunyolarga o'zin ziyo nurin sochgan

Bu dunyoda yangi dunyo bo'lajakmiz.

Temur bobom shu yurtni yurt qilib ketgan

Shoh Boburi bu yurtga zor bo'lib o'tgan

Islom bobom mustaqillik berib ketgan

Biz unga jon-tanni qalqon qilajakmiz.

Bu yurt uchun qancha qilsak kam bo'ladur

Qancha yonsak qancha kuysak kam bo'ladur

Qachonki biz birdam bo'lsak ahil bo'lsak

Shundagina buyuk davlat qurajakmiz