Aziz Vatan
4207-4209
Ruzmetov Shoxruzbek Bahodirovich MN-55 guruh talabasi
Biz xalqingga jonajon Vatan
Hilpiragan bayrog'ing aziz
Jannatmakon va chaman-chaman
Bog'ing, tog'ing, har yog'ing aziz
Shu zamonga mehnati singgan
Faqat ilm deya intilgan
Butun dunyo qudratin bilgan
Buyuk urug'-aymog'ing aziz
Har bir shahar, qishlog'ing aziz
Sohillaring, qirg'og'ing aziz
O'zga elning yot tuprog'idan
Ko'rimsiz bir botqog'ing aziz
Vatanparvar posbonlaringga
Qo'llari gul bog'bonlaringga
Mehnatsevar dehqonlaringga
Rohat bergan charchog'ing aziz
Qadring bilmay ketsa kim qochib
So'ng qaytganda sen tomon shoshib
Kel bolam deb bag'ringni ochib
Kutib olgan quchog'ing aziz
Saqlagaymiz sharaf-shoningni
Yashnataylik har bir joyingni
Bezatib cho'l biyoboningni -
Unib chiqqan yantog'ing aziz
Cheksiz mehr-ardog'ing aziz
Muqaddas shu dargohing aziz
"O'tmishingga mos bo'l bolam" - deb
Bergan dakking, sabog'ing aziz
Tarixi bir ajib dostonim
Jannatmakon go'zal bo'stonim
Mustaqil yurt - O'zbekistonim
Deb atalgan atog'ing aziz
Biz xalqingga jonajon Vatan
Hilpiragan bayrog'ing aziz
Jannatmakon va chaman-chaman
Bog'ing, tog'ing, har yog'ing aziz
4208
O'zbekiston temir yo'llari
O'zbekiston temir yo'llari
Rivojlandi jadallik bilan
Gullab, yashnab istiqbollari
Tarmoqlari ko'paydi biram
Afrosiyob, lokomativlar
Qatnovlari tez va aniqli
Ular shunday mehnati bilan
Ancha mashhur, ancha taniqli
Bular bari mehnat mahsuli
Kasbga hurmat, ishga e'tibor
Aksiyador kompanyamizning
To'rtta birdam yo'nalishi bor
Aksiyador jamiyatida
Bo'lgan bo'lsa qancha burilish
Quruvchilar shijoat ila
Qurib qo'ydi ancha qurilish
Poyezdlar va vagonlar uchun
Kerak bo'lib qolsa texnika
Sarflab aql-idroki kuchin
Ishni boplar zo'r mexanika
Har xil qatnov o'zgacha reja
Har xil uslub, stilistika
Tashishlarni rejalashtirar
Aniqlik bilan logistika
Shug'ullanar moliya bilan
Kapitalni qilar ehtiyot
Vazifasi ekanomika
Bu siz bilgan iqtisodiyot
Aytilgan shu to'rtta yo'nalish
Ishlar mudom maqsadi sari
Shuning uchun rivojlanmoqda
O'zbekiston temir yo'llari
4209
Rasululloh ummati
Yuksak qadr-qimmati
Har joyda bor hurmati
Jannat erur qismati
Rasululloh ummati
Qiladi yaxshi fikr
Tilini yuvar zikr
Aytar Allohga shukur
Rasululloh ummati
Chet yuradi g'irromdan
Hazar qilar haromdan
Har bir ishi iymondan
Rasululloh ummati
Bajaradi farzini
Duo uning afsuni
Tiya olar nafsini
Rasululloh ummati
Bilmaydi do'q-po'pisa
Haq yo'llari - mo'jiza
Yurishlari pokiza
Rasululloh ummati
Kibrlanmas o'zidan
Ibrat yog'ar so'zidan
Nur taralar yuzidan
Rasululloh ummati
Kam qilmaydi to'lovni
Aldamaydi birovni
Kulib yengar sinovni
Rasululloh ummati
Hayotda yo'q tashvishi
Halol - rizqi, yemishi
O'ngda bo'lar o'ng ishi
Rasululloh ummati
Tafakkuri benuqson
Shirin so'z, shirin zabon
Tilovatida Qur'on
Rasululloh ummati
Yuksak qadr-qimmati
Har joyda bor hurmati
Jannat erur qismati
Rasululloh ummati