Buxoro NQIZ yoshlari bilan samimiy suhbat
Buxoro neftni qayta ishlash zavodi hududida o‘tkazilgan uchrashuv odatiy nutqlar va rasmiy iboralardan xoli bo‘ldi. "O‘zbekneftgaz" AJ boshqaruv raisining yoshlar masalalari bo‘yicha maslahatchisi – O‘tkirbek Mamatqulov norasmiy, ammo o‘ta jiddiy ruhda Buxoro neftni qayta ishlash zavodining yosh mutaxassislari bilan samimiy suhbat o‘tkazdi.
Oddiy “bayonnoma” o‘rniga samimiy va jonli muloqot. Yoshlar to‘g‘ridan to‘g‘ri savollar berib, muhim masalalarni muhokama qildilar: ishlab chiqarishdagi mehnat sharoitlaridan tortib, kasbiy o‘sish imkoniyatlari va kelgusidagi loyihalarda ishtirok etish masalalarigacha. Kasbdagi dastlabki qadamlar, shaxsiy intilishlar va yosh neftchilar amaliyotda duch kelayotgan vaziyatlar haqidagi shaxsiy hikoyalar ham tinglandi.
Mamatqulov yoshlar bilan ishlash kompaniyaning strategik ustuvor yo‘nalishi ekanligini ta’kidladi. E’tibor markazida kadrlar salohiyatini oshirish, ustoz-shogird dasturlari, kasbga yo‘naltirish tashabbuslari, shuningdek, yosh mutaxassislarni innovatsion loyihalar va korporativ yechimlarga jalb etish masalalari turibdi.
Shuningdek, kelgusida yoshlar bilan ishlashning asosiy yo‘nalishlari taqdim etildi:
• yangi o‘quv va amaliyot dasturlarini ishga tushirish;
• yosh xodimlar tashabbusi bilan boshlangan loyihalarni qo‘llab-quvvatlash;
• markaziy ofis va joylardagi zavodlar o‘rtasidagi aloqani kuchaytirish;
• fikr-mulohazalar va kasbiy o‘sish uchun platformalar yaratish.
Yosh mutaxassislar bu kabi uchrashuvlar jamoani birlashtirishini va katta maqsadlar yo‘lida birgalikda harakat qilish ruhini mustahkamlashini ta’kidlashdi.
