Бухоро НҚИЗ байрам олди Саҳоват тадбирида иштирок этди

Ижтимоий кўмакка муҳтожлар ҳолидан хабар олиш, уларга саховат кўрсатиш халқимизга хос қадриятлардан ҳисобланади. Айниқса, байрам кунларида бу эзгу фазилатларимиз ҳар бир инсон кўнглида.

2021 йил 28 август куни Бухоро НҚИЗ “Меҳр улашинг” акцияси доирасида айни байрамолди кунларда Мустақиллигимизнинг 30 йиллиги муносабати билан ижтимоий кўмакка муҳтож оилалар хонадонига ташриф буюришди.

Қоровулбозор тумани ҳокимияти вакиллари билан ҳамкорликда кўнгли кемтик инсонлар ҳолидан хабар олинди, уларга саховат ва мурувват ёрдамлари кўрсатилди.

Акция доирасида Қоровулбозор туманидаги "Темир дафтар"га киритилган кам таъминланган ва эҳтиёжманд оилалар хонадонига ташриф буюрилди. Байрам совғалари билан бир қаторда уларга турдаги озиқ-овқат маҳсулотлари тарқатилди.

Саховат беназир қадриятдир, у ота-боболаримиздан қолган энг муқаддас мерос ҳисобланади. Ана шу мероснинг бардавомлиги эса сизу бизга боғлиқ.

#фоторепортаж

"Бухоро НҚИЗ" МЧЖ Матбуот хизмати