Бухоро НҚИЗ хотин-қизлари ўртасида Наврўзолди спорт мусобақалари
Жорий йилнинг 15-16 март кунлари Наврўз – умумхалқ байрами муносабати билан “Нефтчилар” шаҳарчасидаги “Ёшлар меҳмонхонаси” спорт залида Бухоро нефтни қайта ишлаш заводи хотин-қизлар жамоалари ўртасида мусобақалар ташкиллаштирилди.
Мусобақалар спортнинг 8 тури: волейбол, арқон тортиш, шахмат, шашка, стол тенниси, дарц, югуриш ва гимнастрада бўйича бўлиб ўтди.
Анъанага айланган ушбу мусобақада завод тизимида меҳнат қилаётган 50 дан ортиқ хотин-қизлар, ишчи-ходимлардан ташкил топган жамоалар иштирок этишди.
Мусобақага старт берилгач, жамоалар ўз иқтидор ва кучларини синадилар. Қизғин баҳс ва мунозараларга бой бўлган курашларда аёллар ўзларининг нафақат жисмоний, балки ақлий жиҳатдан ҳам фаолликларини намойиш этиб боришди.
Айтиш жоизки, жамоавий ўйинларда бирлашиб, ягона мақсад учун курашиш ишчи-ходимлар ўртасида дўстона муҳитни янада шакллантиришда муҳим омиллардан бири бўлди.
