Аёлларнинг цехлараро мусобақалари бошланди

Ўзбекистон Республикаси Президентининг 2020 йил 30 октябрдаги “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги ПФ-6099-сонли Фармони ижросини таъминлаш ҳамда 8 март – Халқаро хотин-қизлар байрамини муносиб кутиб олиш мақсадида Бухоро НҚИЗда фаолият юритувчи аёллар ўртасида спортнинг шахмат, шашка, волейбол ва стол тенниси турлари бўйича цехлараро мусобақаларга старт берилди.

Бугун стол тенниси бўйича бўлиб ўтган мусобақалар натижаларига кўра жамоалар қуйидаги ўринларни қўлга киритишди:

1-ўрин ИО, УЖФ ва КХ цехи;

2-ўрин Экология ва атроф-муҳитни муҳофаза қилиш бўлими;

3-ўрин Тиббиёт-санитария қисми жамоаси.

Ғолиб жамоалар Бухоро НҚИЗ Ёшлар иттифоқи бошланғич ташкилоти томонидан тақдирланди.

Эслатиб ўтамиз, эртага соат 10:00дан спортнинг шашка, шахмат турлари бўйича мусобақалар бошланади. Ўйинлар ИО, УЖФ ва КХ цехига қарашли Ёшлар меҳмонхонаси спорт залида бўлиб ўтади.

"Бухоро НҚИЗ" МЧЖ Матбуот хизмати