“Бухоро нефтни қайта ишлаш заводи” МЧЖ ходимлари Бутунжаҳон тозалик кунида иштирок этишди
Бугун, 2022 йил 17 сентябр куни –"Бажарамиз" шиори остидаги Бутунжаҳон тозалик куни(World Cleanup Day)да Бухоро НҚИЗ ҳам ўз хоҳиши билан ушбу глобал флешмобга қўшилди.
“Ўзбекнефтгаз” АЖ кўмагида Бухоро нефтни қайта ишлаш заводи ходимлари Бухоро экологик партияси вакиллари билан биргаликда кенг кўламли экологик акцияда иштирок этди.
Тозалик куни доирасида атрофдаги чиқиндиларни кўнгилли тозалаш ва маърифий тадбирлар ўтказиш режалаштирилди.
"Бажарамиз!" Бутунжаҳон тозалик куни акциянинг мақсади – атрофни чиқиндилардан тозалаш ва барқарор тозаликни сақлаш учун барчани бир жамоага бирлаштириш.
"Ўзбекнефтгаз" АЖ атроф-муҳитни муҳофаза қилиш масалаларига катта эътибор беради. Бугун Бухоро НҚИЗнинг бутун жамоаси ушбу экологик тадбирда фаол иштирок этмоқда.
Экологик акцияга 450дан ортиқ ишчи қўшилди. Таъкидлаш жоизки, Бухоро НҚИЗ Ёшлар иттифоқи бошланғич ташкилоти фаоллари ва барча ишчи-ходимлар #ЖаҳонТозалик куни ихтиёрий лойиҳасида катта завқ билан қатнашяпти!
Бу тадбир иштирокчилари учун ёқимли туҳфалар тайёрланди: пишириқлар билан иссиқ чой ва экоакция логотипи тушурилган эсдалик кепкалари.
Бундай экологик акцияларни "Ўзбекнефтгаз" АЖда ўтказиш яхши анъанага айланиб бормоқда. Келгусида Бухоро НҚИЗ бир нечта, жумладан ходимларнинг болалари иштирокида экологик акциялар ўтказишни режалаштирмоқда.