# Мусаффо сайёрани асрайлик! экологик акциясига старт берилди

"Ўзбекнефтгаз" АЖ ва Бухоро НҚИЗ раҳбарияти ташаббуси билан 6 февралдан #Мусаффо сайёрани асрайлик! шиори остидаги экологик лойиҳага старт берилди.

Баҳор шаҳарчада куз-қиш даврида тўпланган чиқиндиларни анъанавий равишда тозалаш ишлари бошланадиган фасл ҳисобланади. Баҳор бошланиши арафасида, об-ҳавонинг ноқулай бўлишига қарамай, Бухоро НҚИЗ ишчи жамоаси иштиёқ билан тўсиқлар оралиғидаги барглар, новдалар ва чиқиндиларни тозалашга, шунингдек, "Нефтчилар" шаҳарчасидаги Сунъий кўл ҳудудидаги дарахтлар ва йўл тўсиқларини оқлашга киришди.

"Шанбалик ўтказиш учун жой тасодифан аниқланмади. Сунъий кўл Қоровулбозор аҳолиси ва уни ҳар доим тоза сақлашга интиладиган корхона ходимлари учун энг машҳур дам олиш масканидир.

"Ўзбекнефтгаз" АЖ атроф-муҳитни муҳофаза қилиш масалаларига катта эътибор беради. Бутун БНҚИЗ жамоаси ҳар доим экологик тадбирларда фаол иштирок этади. "Мусаффо сайёрани асрайлик!" экологик шанбалиги – катталар томонидан ёш авлодга табиатга ғамхўрлик қилиш қанчалик муҳимлигини кўрсатиб бериш акциясидир. Бу ҳамма учун катта хайрли ишнинг иштирокчисига айланиш имкониятидир!”- деб таъкидлади “БНҚИЗ” МЧЖ директори Акбар Фазилов.

Экологик акциясига 250 дан ортиқ киши қўшилди. БНҚИЗ Ёшлар иттифоқи фаоллари #Мусаффо сайёрани асрайлик! кўнгилли лойиҳасида мамнуният билан қатнашдилар. Улар стадион ҳудудини ободонлаштириш бўйича катта ишларни амалга оширдилар.

Ушбу тадбир иштирокчилари учун ёқимли сюрпризлар: пишириқлар билан иссиқ чой ва акция логотипи туширилган эсдалик кепкалари тайёрланди.

"Ўзбекнефтгаз" АЖда бундай экологик акцияларни ўтказиш яхши анъанага айланиб бормоқда. Келгусида Бухоро НҚИЗ бир нечта, шу жумладан корхона ходимларининг фарзандлари иштирокида экологик акциялар ўтказишни режалаштирмоқда.

"Бухоро НҚИЗ” МЧЖ Матбуот хизмати