Ўзбекистон Республикасининг Мустақиллик куни муносабати билан мукофотлар
Ўзбекистон Республикаси Мустақиллигининг 32 йиллиги ҳамда нефть-газ саноати ходимларининг касб байрами муносабати билан Бухоро НҚИЗнинг 18 нафар ходими “Ўзбекнефтгаз” АЖ фахрий ёрлиқлари билан тақдирланди.
2023 йил 30 август куни Ўзбекистон Республикаси Мустақиллигининг 32 йиллигини нишонлаш ҳамда нефть ва газ саноати ходимларининг касб байрами муносабати билан Бухоро НҚИЗ раҳбарияти томонидан завод ишчилари: Норқулов Санъат Жумаевич, Раджабов Азим Мусинович, Абросичкин Евгений Олегович, Рахимов Тўлқинжон Муртазоевич, Федюков Сергей Анатольевич, Қурбонов Шерзод Ҳакимбоевич, Ғайбуллаев Азамат Саматович, Дўстов Ёрқинбой Умурович, Хайдаров Жасур Озодович, Рахмонова Мусаллам Шамсиевна, Ғаниев Ориф Махмудович, Иброҳимова Шоира Исмоиловна, Примқулов Равшан Баротович, Расулова Раъно Рафиковна, Жуммонов Орифжон Насриддинович, Хамдамов Аваз Эргашевич, Таштемиров Бобомурод Тахирович, Бақоев Учқун Ахадовичга тантанали руҳда фахрий ёрлиқлар топширилди.
Бухоро НҚИЗ директори Акбар Фазилов йиғилганларни “Ўзбекнефтгаз” АЖ номидан мамлакатимиз тарихидаги муҳим кун билан табриклаб, нефть ва газ саноатини ривожлантиришда ҳар бир ходим зиммасига юклатилган юксак масъулиятни алоҳида таъкидлади.
“Бугун Ўзбекистонда мутлақо янги иқтисодий, сиёсий, ижтимоий-маънавий, илмий-маърифий муҳит шаклланди. Муҳтарам Президентимиз Шавкат Миромонович Мирзиёевнинг мустаҳкам сиёсий иродаси ва шахсий намунаси туфайли мамлакатимиз фақат олға интилмоқда! Биз Президентимизни ҳар томонлама қўллаб-қувватлаймиз ва Ўзбекистонимиз янада куч-қудратли бўлиши учун қўлимиздан келганини қиламиз”, – деди А.А.Фазилов
Ўз навбатида Акбар Фазилов Буғ-ҳаво-газ таъминоти цехи компрессор қурилмаси машинисти Обидов Алишер Шукировични давлатимизнинг юксак мукофоти – “Шуҳрат” медали билан табриклади.
Тадбир якунида Бухоро НҚИЗ директори заводнинг барча ишчи-ходимлари ва фахрийларига юксак масъулият ва фидойиликни талаб этувчи аъло меҳнатлари учун миннатдорчилик билдирди. Корхонага, унинг барча ходимларига, шунингдек, соҳа фахрийларига тараққиёт ва фаровонлик, кўтаринки руҳ, некбинлик, барча режалар амалга ошишини тилади!
