OIL STAR терма жамоаси соҳил футболи бўйича Ўзбекистон чемпионати ғолиби бўлди
Жорий йилнинг 18-25 июль кунлари Қашқадарё вилоятида соҳил футболи бўйича вилоятлар терма жамоалари ўртасида мусобақа бўлиб ўтди. Бухоро вилояти номидан Бухоро НҚИЗ томонидан шакллантирилган OIL STAR жамоаси юборилди.
Турнир давомида OIL STAR жамоаси умумий ҳисобда ғалаба қозониб, бош соврин – "Ўзбекистон кубоги"ни қўлга киритди.
Ушбу турдаги мусобақада футболчиларимиз аъло даражадаги жисмоний тайёрлик ва яхши жамоавий ўйин кўрсатишди.
Ўзбекистон Республикаси Президентининг "Ўзбекистон Республикасида жисмоний тарбия ва спортни янада такомиллаштириш ва оммалаштириш чора-тадбирлари тўғрисида"ги Фармони ижросини таъминлаш мақсадида "Ўзбекнефтгаз" AЖ жисмоний соғломлаштириш ишлари ва спорт тадбирларини мунтазам ўтказиб туради.
"Ўзбекнефтгаз" AЖ кўмаги билан корпоратив спорт йўналишлари ўз кўламларини кенгайтирмоқда. Соҳа терма жамоалари спорт мусобақаларида фаол иштирок этмоқдалар.
"Ўзбекнефтгаз" AЖ тизимида нафақат ўз соҳасининг моҳир усталари, балки соғлом турмуш тарзига, спорт машғулотларига алоҳида эътибор қаратадиган, шунингдек, мусобақаларда "Ўзбекнефтгаз" AЖ номидан муносиб қатнашадиган ҳаётий позицияга эга одамлар ишлайди.
Таъкидлаш керакки, бу спорт кучли ҳиссиётларни келтириб чиқаради. Уларнинг оилалари, дўстлари ва заводнинг барча ходимлари бизнинг йигитлардан ҳаяжонда эдилар! Жамоамизни ва шу кунларда уларни муваффақиятли ютуқ билан қўллаб-қувватлаган барчани табриклаймиз.
Ғалабага тайёрлаш ва профессионал ёндашуви учун бутун мураббийлар штабига алоҳида миннатдорчилик билдирамиз!
