Бухоро нефтни қайта ишлаш заводи: Наврўз – умумхалқ байрам, азалий қадриятлар
Она диёримизга барчамиз орзиқиб кутган, гўзал ва дилбар фасл – Наврўзи олам кириб келмоқда.
Бугун баҳорги тенгкунлик байрами – Наврўз муносабати билан юртимизнинг барча гўшаларида байрам тантаналари ўтказилмоқда.Шу билан бир қаторда Бухоро НҚИЗ да ҳам баҳор фаслининг кириб келиши ва Наврўз байрамини кўтаринки руҳда кутиб олиш олиш мақсадида Сумалак ва ҳалим миллий таомлари тайёрланди.
Наврўзни сумалаксиз тасаввур этиб бўлмайди!
Ўз навбатида, завод жамоаси учун анъанага айланган унинг тайёрланиши ҳамиша байрамона кайфият бағишлаётгани одамларнинг юз-кўзида акс этади.
Айтиш жоизки, сумалак учун ўзига хос лаҳза унинг очилишидир.
Мана шу тантанали дамларда Бухоро НҚИЗ раҳбарияти вакиллари иштирокида бир вақтда тайёрланаётган сумалак ва ҳалим (халиса) қозонлари шукроналик ила очилди.
Бухоро нефтни қайта ишлаш заводи жамоаси серқуёш Ўзбекистоннинг барча аҳолиси ва меҳмонларини кириб келаётган Наврўз байрами, баҳор келиши билан табриклайди!
Ҳурматли ватандошлар, сиҳат-саломатлик, меҳр-оқибат, тинчлик-тотувлик, шунингдек, Ўзбекистон равнақи йўлидаги янги меҳнат ғалабалари тилаган самимий табригимизни қабул қилинг!