Сарҳисоб: спорт турлари бўйича "Директор кубоги" ғолиблари тақдирланди
Бухоро НҚИЗда ишчи-ходимлар орасида соғлом турмуш тарзини тарғиб қилиш, ёшлар ўртасида спорт турларини оммалаштириш, ходимлар ўртасида дўстона алоқаларни ўрнатиш мақсадида ҳар йили спорт турлари бўйича "Директор кубоги” мусобақалари ташкил этилади.
Бугун, "Нефтчи" спорт соғломлаштириш мажмуасида Бухоро НҚИЗ раҳбарияти, завод касаба уюшмаси қўмитаси ва Ёшлар иттифоқи БНҚИЗ БТ билан ҳамкорликда мини футбол ва волейбол бўйича "Директор кубоги" ғолибларини тақдирлаш маросими бўлиб ўтди.
Тақдирлаш маросимини директор ўринбосари Ж.Х.Зияев очиб берди ва барча ишчи-ходимларга ўтказилган спорт мусобақаларида фаол иштирок этгани учун миннатдорчилик билдирди.
Сўнгра, спорт турлари бўйича "Директор кубоги" ғолиблари бирин-кетин эълон қилиниб, медаль ҳамда қимматбаҳо совғалар топширилди.
Волейбол бўйича аёллар ўртасида ўтказилган спорт мусобақаларида:
1-ўрин: Ижтимоий объектлар, уй-жойдан фойдаланиш ва коммунал хўжалиги цехи жамоаси;
2-ўрин: Завод марказий таҳлилхонаси жамоаси;
3-ўрин: Тиббиёт санитария қисми жамоаси.
Волейбол бўйича эркаклар ўртасида ўтказилган спорт мусобақаларида:
1-ўрин: Электр таъминоти цехи жамоаси;
2-ўрин: Харидлар департаменти жамоаси;
3-ўрин: Автонақлиёт цехи жамоаси.
Мини футбол бўйича ўтказилган спорт мусобақаларида:
1-ўрин: Жондор спорт соғломлаштириш мажмуаси жамоаси;
2-ўрин: Автонақлиёт цехи жамоаси;
3-ўрин: Ўлчов-назорат асбоблари ва автоматика цехи жамоалари тақдирланди.
Шунингдек, “Ўзбекнефтгаз” АЖ томонидан аёллар ўртасида ташкил этилган волейбол чемпионатида иштирок этиб, фахрли 2-ўринни эгаллаган Бухоро НҚИЗнинг аёллар терма жамоаси ҳам таклиф этилиб, уларнинг ютуғи яна бир бор эътироф этилди ва эсдалик совғалари топширилди.
