Бухоро НҚИЗнинг Баскетбол бўйича цехлараро чемпионати ғолибларини тақдирлаш маросими бўлиб ўтди
Аввал хабар берганимиздек, Ўзбекистон ёшлар иттифоқи БНҚИЗ бошланғич ташкилоти кўмаги билан БНҚИЗда баскетбол жамоаларини шакллантириш, кучли жамоани аниқлаш, ходимлар ўртасида дўстона алоқаларни ўрнатиш мақсадида завод ишчи-ходимлари ўртасида ушбу спорт тури бўйича цехлараро чемпионат ўтказилди.
Умумий ҳисобда 16 жамоа ўртасида ташкиллаштирилган чемпионатнинг финал босқичида икки кучли жамоа ТМЦ(5-цех) ҳамда 28 + 21-цех терма жамоаси учрашуви бўлиб ўтган эди. Учрашувда 8: 6 ҳисоби билан ғалаба қозонган ТМЦ жамоаси чемпионат кубоги совриндорига айланди.
Эслатиб ўтамиз, чемпионат совриндорлари жадвали қуйидагича бўлган эди:
1-ўрин – ТМЦ, 2-ўрин –28 + 21-цех терма жамоаси, 3-ўрин – ҲГҚО.
Шу муносабат билан, бугун "Нефтчи" спорт-соғломлаштириш мажмуасида чемпионат ғолибларини тақдирлаш маросими бўлиб ўтди.
Тадбирда Бухоро НҚИЗ бош муҳандиси Б.Ж. Мустафоев, директор ўринбосари Н.К. Примов, бош муҳандис ўринбосари А.А.Нурханов, масъул шахслар ва меҳмонлар қатнашишди.
Бош муҳандис Б.Ж. Мустафоев баскетболчиларимизни эришилган ютуқлар билан табриклаб, уларга омад ва улкан зафарлар тилади.
Тадбир якунида чемпионатнинг барча ғолиб жамоаларига қимматбаҳо совғалар топширилди.
