Бухоро НҚИЗда аёллар ўртасида волейбол бўйича I тур ўтказилди
"Ўзбекнефтгаз" АЖ бошқаруви ва "Ўзбекнефтгаз" Бирлашган касаба уюшма қўмитаси раёсати қўшма қарори асосида тизим томонидан жамиятнинг марказий аппарати, таркибий бўлинмалари ва корхоналарида фаолият юритаётган хотин-қизлар ўртасида "Волейбол чемпионати-2023" мусобақаси эълон қилинди. Чемпионат икки босқичда ўтказилади.
2023 йилнинг 3-4 октябрь кунлари Бухоро НҚИЗга қарашли "Ёшлар" меҳмонхонаси спорт майдончасида корхона аёллари ўртасида волейбол бўйича 1-тур ўйинлари бўлиб ўтди. Икки кун давом этган курашларда жамоалар чинакам спорт маҳоратини намойиш этди. Мусобақа якунига кўра, октябрь ойида Тошкент шаҳрида бўлиб ўтадиган "Волейбол чемпионати-2023"да Бухоро НҚИЗ номидан иштирок этадиган терма жамоа шакллантирилди.
Турнирда қатнашган барча жамоаларга миннатдорчилик билдирамиз ва уларга янги спорт ютуқлари тилаймиз!