Футзал бўйича Бухоро нефтни қайта ишлаш заводи “Директор кубоги” турнири ғолибларини тақдирлаш маросими бўлиб ўтди
Аввал хабар берганимиздек, Ёшлар иттифоқи БНҚИЗ бошланғич ташкилоти кўмаги билан Бухоро НҚИЗда футбол жамоаларини шакллантириш, кучли жамоани аниқлаш, ходимлар ўртасида дўстона алоқаларни ўрнатиш мақсадида завод ишчи ходимлари ўртасида Футзал бўйича Бухоро нефтни қайта ишлаш заводи “Директор кубоги” турнири ўтказилди. Ушбу мусобақада завод цехларида фаолият юритаётган ходимлардан иборат 16та жамоа фаол иштирок этди. Қизғин баҳслардан сўнг натижаларга кўра ғолиблар аниқланди.
Футбол ўйинининг финал босқичида АЦ(8-цех) ҳамда ИО, УЖФ ва КХЦ(16-цех) жамоалари учрашуви бўлиб ўтди. Учрашувда АЦ(8-цех) жамоаси 3:2 ҳисобида ғалаба қозонди ва Директор кубоги соҳибига айланди. Якуний натижаларга кўра жамоалар қуйидаги ўринларни эгаллади:
II ўрин – Ижтимоий объектлар, уй-жойдан фойдаланиш ва коммунал хўжалиги цехи;
III ўрин – Ички хавфсизлик департаменти.
Шу муносабат билан, бугун “Нефтчилар” маъданият саройида чемпионат ғолибларини тақдирлаш маросими бўлиб ўтди.
Тадбирда Бухоро НҚИЗ директори А.А. Фазилов, бош муҳандис Б.Ж. Мустафоев, директор ўринбосари Н.К. Примов, масъул шахслар ва меҳмонлар қатнашишди. Бухоро НҚИЗ директори А.А. Фазилов сўзга чиқиб, футбол жамоаларининг фаоллиги ҳамда эришаётган ютуқларини таъкидлаб ўтди. Сўнгра бош муҳандис Б.Ж. Мустафоев футболчиларни яна бир бор табриклаб, уларга омад ва улкан зафарлар тилади.
Тадбир якунида чемпионат совриндорлари, ҳакамлар (Музаффаров Фаррух, Умуров Илҳом) ва турнирнинг номинация ғолиблари (“Энг яхши тўпурар” – Эргашев Суҳроб, “Энг яхши дарвозабон” – Жамолов Садри, “Энг яхши футзалчи” – Амонов Содиқ)га қимматбаҳо совғалар топширилди.
