Ўзаро тажриба алмашиш – улкан самарадорлик омили
Олдин хабар қилганимиздек, жорий йилнинг 30 сентябрь куни Жондор туманида янги спорт мажмуаси қуриб фойдаланишга топширилган эди.
Янги спорт мажмуасида спортнинг олимпия турлари, хусусан, дзюдо, бокс, бадиий гимнастика, кураш, футбол, баскетбол, қўл тўпи, қўл жанги,
шахмат-шашка тўгараклари йўлга қўйилди.
Куни кеча ушбу тўгаракларнинг бир гуруҳ вакиллари малака ошириш, тажриба алмашиш, ҳужжатларни юритишни тартибга солиш мақсадида Бухоро НҚИЗга қарашли Спорт-соғломлаштириш мажмуаси ва “Нефтчи” маданият саройига ташриф буюришди.
Ташриф давомида тўгарак раҳбарлари томонидан ўз иш фаолиятлари, унда эришилган ютуқлар, тўгаракларни юритиш учун қўйилган талаблар юзасидан тақдимот ўтказилди, шунингдек, маданият саройи биносида қайта таъмирланган корпоратив музейнинг интерфаол бурчакларида заводда цехлараро ташкиллаштирилган, қолаверса, “Ўзбекнефтгаз” АЖ ташаббуси билан ўтказилган спорт мусобақаларидан фото ва видео лавҳалар намойиш қилинди.
Айтиш мумкинки, Бухоро НҚИЗ нафақат ишлаб чиқариш, балки спорт ва маданий тадбирлар ўтказиш бўйича улкан тажриба алмашиш мактабидир.