Бухоро НҚИЗда касаба уюшма ташкилотининг ҳисобот-сайлов конференцияси бўлиб ўтди
Бугун Бухоро НҚИЗ ҳудудида касаба уюшма ташкилотининг ҳисобот-сайлов конференцияси бўлиб ўтди. Унинг доирасида 2020 йил июль ойидан 2025 йилгача бўлган даврда амалга оширилган ишлар якунлари сарҳисоб қилиниб, ишчи-ходимлар ҳуқуқлари ва истиқболдаги меҳнат манфаатларини ҳимоя қилиш борасидаги устувор йўналишлар белгилаб олинди. Йиғилишда Ўзбекистон энергетика, нефть-газ ва геология ходимлари касаба уюшмаси Республика кенгашининг ташкилий ишлар бўлими мудири Файзулла Махмудов иштирок этди.
Тадбир корхона раҳбарияти, касаба уюшма қўмитасининг фаол аъзолари ва корхона бўлинмалари вакиллари ўртасида конструктив мулоқот учун муҳим майдон бўлди.
Ошкоралик, ҳисобдорлик, ривожланиш
Кун тартибида йиғилиш иштирокчилари Бухоро НҚИЗ касаба уюшмаси қўмитаси раиси Баҳодир Каримовнинг ўтган беш йиллик фаолиятининг асосий йўналишлари акс эттирилган батафсил ҳисоботини тинглашди. Маърузада қуйидаги масалаларга алоҳида эътибор қаратилди:
• меҳнат шароитлари ва меҳнатни муҳофаза қилишни яхшилаш,
• ишчилар ва уларнинг оила аъзолари саломатлигини мустаҳкамлаш,
• маданий ва спорт тадбирларини ташкил этиш,
• мақсадли қўллаб-қувватлаш ва моддий ёрдам кўрсатиш,
• иш берувчи билан ижтимоий мулоқотларда фаол иштирок этиш.
Шунингдек, 2023-2025 йилларга тузилган жамоа шартномасининг 2024 йил давомида бажарилишининг мухокамаси буйича мехнат жамоасининг конференцияси ҳам ўтказилиб, иш берувчи ва касаба уюшма қўмитасининг ҳисоботлари тингланди.
Вакиллар нутқида касаба уюшмалари фаолиятига юксак баҳо берилгани, уларнинг очиқлиги, самарадорлиги ва меҳнат жамоаси манфаатларига яқинлиги намоён бўлди.
Анжуман Ўзбекистон касаба уюшмалари ҳаракатида жорий этилган янги сайлов тизимига мувофиқ ўтказилди. Касаба уюшмаси қўмитаси раиси сайловининг муқобиллик асосида яширин овоз бериш йўли билан ўтказилгани касаба уюшмалари тизимини демократлаштириш йўлидаги муҳим қадам бўлди.
Овоз бериш якунлари бўйича Баҳодир Каримов кўпчилик делегатлар томонидан қўллаб-қувватланиб, Бухоро НҚИЗ касаба уюшма қўмитаси раиси лавозимига қайта сайланди.
Конференциянинг якуний қисмида касаба уюшмасининг:
• ходимлар меҳнат ҳуқуқларининг барқарор кафолатларини таъминлаш,
• ишлаб чиқариш ва маиший хавф-хатарларнинг олдини олиш,
• кадрлар малакасини ошириш бўйича корпоратив дастурларни амалга оширишда иштирок этиш,
• ходимларнинг ҳуқуқий ва касаба уюшмаси саводхонлигини оширишда уюшма ролини янада кучайтириш бўйича вазифалар белгиланди.
Ҳисобот-сайлов конференцияси касаба уюшмаси меҳнаткашлар манфаатларини ифода этишнинг ишончли платформаси, ижтимоий адолат ва корхона меҳнат жамоасини барқарор ривожлантириш масалаларида мулоқотда ҳамкор ва ҳаракатлантирувчи куч бўлиб қолаётганини намойиш этди.
