“Бухоро НҚИЗнинг энг яхши рационализатори” кўрик-танлови якунлари сарҳисоб қилинди
Инновацион, рационализаторлик, ихтирочилик ғоялари ва лойиҳаларини фаоллаштириш, ишлаб чиқариш жараёнларини механизациялаш ва автоматлаштириш, янги маҳсулотларни чиқариш, маҳсулот сифатини ошириш, ёнилғи-энергетика ресурсларини тежашга қаратилган долзарб вазифаларни ҳал этишда ижодий салоҳият ва ресурслардан самарали фойдаланиш, хом-ашё, материаллар, меҳнатни муҳофаза қилиш ҳолати ва заводнинг бошқа йўналишлари фаолиятини яхшилаш мақсадида “Бухоро НҚИЗнинг энг яхши рационализатори” кўрик-танлови ўтказилди.
Умумий ҳисобда 36 та рационализаторлик таклифи киритилди.
Танлов натижаларини сарҳисоб қилиш рационализаторлар томонидан ўз ғояларини тақдим этиш ва мулоқот тарзида муҳокама қилиш форматида ўтказилди. Фаолиятнинг турли йўналишлари: жараёнларни механизациялаш ва автоматлаштириш, иккиламчи ресурслардан фойдаланиш, ёнилғи-энергетика ресурсларини тежаш, чиқиндиларни қайта ишлаш, хавфсизлик техникаси ва атроф-муҳит муҳофазасини ошириш, энергия самарадорлиги ва энергия хавфсизлигини таъминлаш, муқобил энергиядан манбаларидан фойдаланиш, сифатни ошириш ва янги турдаги маҳсулотларни чиқариш, жараёнларни рақамлаштириш бўйича таклиф берилди.
Ҳар бир иштирокчи томонидан комиссияга тақдим этилган рационализаторлик таклифи бўйича тегишлилиги, янгилиги, техник ва/ёки ташкилий ечимнинг моҳияти, амалга ошириш ҳолати, бажарилган ишлар, илмий-техник даража, кутилаётган ва/ёки олинган натижалар кўрсатилган ҳолда тақдимотлар ўтказилди.
“Бухоро НҚИЗнинг энг яхши рационализатори” номинациясида:
I ўрин “Қурилмадан ажралиб чиқадиган водород сульфиддан (Н2S)дан сульфат кислота олиш”, “Мураккаб эфирдан юқори октанли қўндирма олиш”, “Қурилмадан ажраладиган бутан газидан 1.3 бутадиен(синтетик каучук) олиш таклифлари учун Ж.А.Жумаевга;
II ўрин “13-қурилма маҳсулот ҳажмини кўпайтириш мақсадида анализга қараб Д/бензинини 13-қурилма газойл чиқишига қўшиш”, “13КМ01-02 А/В совутиш ҳароратини кўтариш электротентни камроқ ишлатиш учун ишлаб турган совутиш теплообменникни ишлатмаслик”, “32-қурилма 32с01 абсорбцион колоннанинг юқорисидан чиқаётган тозаланган газ линиясига иссиқлик алмаштиргич ўрнатиш” таклифи учун А.Ш Саидовга;
III ўрин “Умумий газойл маҳсулотини циркуляция қилиш учун 10Е09 иссиқлик алмаштиргичидан кейин 10 PМ02 насосининг кириш қувурига йўналтириш” таклифи учун Б.С.Пирнафасовга;
30 ёшгача бўлган иштирокчилар ўртасида “Бухоро НҚИЗнинг энг яхши ёш рационализатори” номинациясида
I ўрин “Завод ҳудудида ишлатилган компрессор ва трансформаторлар мойларини қайта ишлаб, ишлатишга тайёрлаш ва глицерин ажратиб олиш” таклифи учун И.Ш.Сайдалимовга;
II ўрин “Заводда режали огоҳлантирувчи таъмир(РОТ) ишларининг олиб борилиши, кўчириш жараёнларининг дастурий базасини яратиш” таклифи учун Д.Қ.Хомидовга топширилди.
Қўшимча маълумотни қуйидаги контактлардан олишингиз мумкин:
Инновацион лойиҳалар ва технологияларни ишлаб чиқаришга татбиқ этиш бўлими.