Toshkentda xalqaro moliya markazini tashkil etish bo‘yicha strategik sessiya o’tkazildi

Joriy yilning 7-8-iyul kunlari O‘zbekiston Respublikasi Strategik rivojlanish agentligi tomonidan xalqaro moliya markazini tashkil etishga tayyorgarlik ko‘rish doirasida sessiya tashkil etildi.

“Biz strategik sessiya Toshkentda xalqaro moliya markazini tashkil etish boʻyicha muhokamaning muhim boshlanishi boʻlib xizmat qilishiga qatʼiy qaror qildik. Markazni tashkil etish masalasi murakkab ekanini tushunamiz: bu moliya bozorini rivojlantirish bilan bogʻliq. Buni faqat birgalikda O‘zbekiston Respublikasining ishbilarmonlik muhiti, soliq va huquqiy tizimi, shahar infratuzilmasi rivojlanishi bilan hal qilish mumkin”, deya ta’kidladi Toshkent xalqaro moliya markazini yaratish loyihasining ekspert-maslahat guruhi rahbari Alyona Dolgova.

Shuningdek, Oʻzbekiston Respublikasi Strategik rivojlanish agentligi Bosh direktor oʻrinbosari vazifasini bajaruvchisi Aziz Gafurovning qayd etishicha, “TXMM milliy iqtisodiyotning o‘sish va raqobatbardoshligini oshirish katalizatori bo‘lib xizmat qiladi, keng ko‘lamli dasturni amalga oshirish uchun “ijobiy koeffitsient”ga aylanadi. O‘zbekistonda iqtisodiy va ijtimoiy islohotlarni amalga oshirishga yordam beradi va quyidagilarga xizmat qiladi: to‘g‘ridan-to‘g‘ri investitsiyalarini jalb qilish, soliq tushumlarini ko‘paytirish, yangi yuqori haq to‘lanadigan ish o‘rinlarini yaratish, shuningdek, moliya bozorini rivojlantirish, institutlar sifati, makroiqtisodiy barqarorlikka erishish, shahar muhitini rivojlantirish moliyaviy barqarorlikni yaxshilash va albatta, O‘zbekiston Respublikasining xalqaro brendini mustahkamlashga olib keladi”.

Hozirgi vaqtda boshqa mamlakatlardagi xalqaro moliyaviy markazlar ko'p funksiyali bo'lib, ularda yirik investorlar uchun zarur bo'lgan barcha sharoit va xizmatlar mavjud.