Teknofest: aviatsiya, kosmos va texnologiyalar festivali

Ma’lum qilganimizdek, Ozarbayjonning Baku shahrida Teknofest-2022 aviatsiya, kosmos va texnologiyalar festivali bo’lib o’tmoqda.

Festival doirasida "Robototexnika", "Yashil texnologiyalar (GreenTech)", "Agrar texnologiyalar (AgriTech)", "Dronlar (PUA)", "Havaskor sun'iy yo'ldosh simulyatsiyasi", "Ijtimoiy yo'naltirilgan texnologiyalar", "Hackathon Smart Qarabağ" va boshqa tanlovlar bo'lib o'tmoqda.

Tadbirning ko‘rgazmali qismida hamkor institutlarning mahsulotlari, yoshlar tomonidan ishlab chiqilgan prototiplar va STEM loyihalari, shuningdek, ochiq maydonda uchuvchisiz harakatlanuvchi apparatlar va vertolyotlar ko‘rgazmasi bo‘lib o‘tdi.

Festivalning koʻngilochar dasturida Ozarbayjon harbiy havo kuchlarining namunali akrobatika parvozlari, shuningdek, Turkiyaning “Turk yulduzlari” va “Solo Turk” akrobatika jamoalari, sanʼatkorlarning katta sahnadagi chiqishlari, vertikal shamol tuneli, suv sayrlari, parvoz simulyatorlari, robotlar va boshqa koʻplab zamonaviy texnik buyumlari namoyish etildi.

Ma’lumot o’rnida, Teknofest 2018-yildan buyon har yili Turkiya Sanoat va texnologiya vazirligi va Baykar Makina texnik direktori Selchuk Bayraktar boshchiligidagi Turk Texnologiya Team (T3) Jamg'armasi tomonidan 60 dan ortiq davlat muassasalari, universitetlar va xususiy kompaniyalar bilan hamkorlikda o'tkaziladi.