O‘zbek futboli afsonalari Italiyadan kelgan jahon chempionlarini mag‘lub etdi

“Paxtakor” markaziy stadioni jahon futbolidagi buyuk afsonalarning tarixiy uchrashuvi o‘tkaziladigan maskanga aylandi. O’FA va BMB Trade Group kompaniyasi tomonidan o‘zbek futbolining 110 yilligiga bag‘ishlab tashkil etilgan kecha doirasida O‘zbekiston va Italiyaning taniqli futbolchilari o‘rtasida o‘rtoqlik uchrashuvi bo‘lib o‘tdi.

Yig‘ilishning rasmiy ochilish marosimida O‘zbekiston Respublikasi Prezidenti maslahatchisi Abdujabbar Abduvohidov, sportni rivojlantirish vaziri Adham Ikramov, Toshkent shahar hokimi Jahongir Ortiqxo‘jayev, MOQ Bosh kotibi Oybek Qosimov, MOQ raisining birinchi o‘rinbosari MOQ va O’FA birinchi vitse-prezidenti Ravshan Ermatov ishtirok etdilar.

O'yin haqida so’z yuritsak, odatda bunday uchrashuvlar during natija bilan yakunlanadi. Biroq g‘alabaga chanqoqlik, har bir goldan zavq olish mahalliy futbolchilarni g‘alaba sari yetakladi. Natijada mezbon vakillari 3:2 hisobida jahon miqyosidagi taniqli futbolchilardan iborat Italiya futboli afsonalarini mag'lub etishdi. O‘zbekiston terma jamoasi vakillari Sanjar Tursunov, Ne’matillo Quttiboyev va Server Jeparov Kristian Abbiatti darvozasiga bittadan gol urgan bo‘lsa, 2006-yilgi jahon chempioni Vinchentso Yakvinta dubl qayd etdi.

Faxriylarning o‘rtoqlik uchrashuvi:
O‘zbekiston – Italiya 3:2
Gollar: Tursunov 19', Quttiboyev 31', Jeparov 47' – Yakvinta 8', 30'

Qayd etish joizki, ushbu o‘yin ikkinchi bo‘limni boshqargan Ravshan Ermatov, shuningdek, Odil Ahmedov, Timur Kapadze, Server Jeparov, Anzur Ismoilov, Azizbek Haydarov, Ignatiy Nesterov, Sanjar Tursunov, Akmal Shorahmedov kabi sobiq terma jamoa futbolchilari uchun ramziy xayrlashuv o‘yini bo‘ldi.