YANGI O‘ZBЕKISTON: ILG‘OR TINCHLIKPARVAR MAMLAKAT
22-yanvar 2026-yil kuni Shveysariyaning Davos shahrida O‘zbekiston Respublikasi Prezidenti Shavkat Mirziyoyev jahon liderlari bilan birga Tinchlik Kengashi Nizomini imzolash marosimida ishtirok etdi.
Bu tadbir AQSH Prezidenti Donald Trampning taklifi bilan tashkil etilgan bo‘lib, unga Argentina, Armaniston, Bahrayn, Bolgariya, Indoneziya, Iordaniya, Marokash, Mog‘uliston, Ozarbayjon, Paragvay, Pokiston, Qatar, Qozog‘iston, Saudiya Arabistoni, Turkiya, Vengriya va boshqa davlatlar rahbarlari ham ishtirok etdi.
Tinchlik Kengashiga qo‘shilish O‘zbekistonning tashqi siyosatdagi ustuvor yo‘nalishlarini — tinchlikni mustahkamlash, mintaqaviy hamkorlikni rivojlantirish va global barqarorlikni ta’minlash — amalga oshirishga xizmat qiladi. O‘zbekistonning marosimda faol ishtirok etishi va Nizomni imzolashi yurtimizning Markaziy Osiyo va jahon miqyosida barqaror tinchlikparvar davlat sifatidagi mavqeini yanada mustahkamladi. Bu, shuningdek, O‘zbekistonning xalqaro hamkorlikdagi obro‘sini, diplomatik salohiyatini va mintaqada ijobiy o‘zgarishlarni amalga oshirish imkoniyatlarini kengaytirdi.
O‘zbekistonning uzoq yillik tinchlik tashabbuslari o‘z ro‘yobini bosqichma bosqich namoyon etayotir.
So‘nggi yillarda O‘zbekiston: mintaqada xavfsizlik va barqarorlikni mustahkamlashga qaratilgan say’-harakatlarni kengaytirdi; MDH va Markaziy Osiyo davlatlari bilan ishonchli hamkorlikni mustahkamladi; ichki va tashqi siyosatda tinchlikparvarlik tamoyillarini ilgari surdi; xalqaro maydonda barqarorlik va xavfsizlikka qaratilgan diplomatik tashabbuslar bilan faol ishtirok etdi; iqtisodiy rivojlanish, investitsiya va savdo imkoniyatlarini kengaytirdi.
Natijada, O‘zbekiston nafaqat tinchlik va xavfsiz davlatlar safida, balki iqtisodiy rivojlanayotgan mamlakatlar qatorida ham e’tirof etilmoqda. Keyingi yillarda turistlar va investorlar oqimi bir necha karraga oshdi, tashqi savdo aloqalari kengaydi, mahalliy va xalqaro sheriklar bilan hamkorlik kuchaydi.
Tinchlik Kengashi marosimida O‘zbekistonning faol ishtiroki uni ta’sis etgan davlatlar qatoriga qo‘shdi va bu mamlakatimizning xalqaro maydonda barqaror tinchlikni ta’minlashdagi mas’uliyatini kuchaytirdi. Kengashning asosiy vazifalaridan — G‘azo sektoridagi mojarolarni kamaytirish, iqtisodiy va ijtimoiy tiklanish uchun imkoniyatlar yaratish, farovon hayot muhitini barpo etishdan iborat. O‘zbekiston ushbu jarayonda o‘z diplomatik tajribasi va barqarorlikni ta’minlash siyosati orqali mintaqada ijobiy o‘zgarishlarga hissa qo‘shdi.
Ijtimoiy va iqtisodiy ahamiyat O‘zbekistonning tinchlikparvar siyosati nafaqat ichki barqarorlikni mustahkamlaydi, balki: mintaqada ijtimoiy va siyosiy barqarorlikni ta’minlaydi; xalqaro hamkorlik va diplomatik aloqalarni rivojlantiradi; turizm va investitsiya faoliyatini kengaytiradi; iqtisodiy va savdo tashabbuslarini qo‘llab-quvvatlaydi; jamiyat va xalqaro hamjamiyatning mamlakatga ishonchini oshiradi.
Bularning barchasi O‘zbekistonni iqtisodiy rivojlanayotgan va xavfsiz mamlakatlar safida yanada ko‘tardi va uning global maydondagi nufuzini mustahkamladi.
Xulosa o‘rnida.
Shavkat Mirziyoyevning marosimda ishtirok etishi va Nizomni imzolashi O‘zbekistonning ilg‘or tinchlikparvar davlat sifatida xalqaro maydondagi mavqeini mustahkamladi. Bu tashabbus nafaqat mamlakatimizning tashqi siyosatdagi obro‘sini oshirmoqda, balki barqarorlik va tinchlikni ta’minlashdagi ilg‘or tashabbuslari, iqtisodiy o‘sish va xalqaro hamkorlikni ham namoyon etmoqda.