Фавқулодда ҳолатни бартараф этиш шарт, унинг олдини олиш эса янада муҳимроқ!

Чироқчи туманида фуқаролар хавфсизлигини таъминлаш асосий тадбирлар режасига асосан, туман ҳокимлиги, Фавқулодда вазиятлар Чироқчи туман бўлими, ҳуқуқни муҳофаза қилувчи органлар вакиллари ҳамда тегишли ташкилотлар ҳамкорлигида туман тиббиёт бирлашмасида махсус-тактик ўқув машқи ўтказилди.

Халқимизда касални даволагандан уни олдини олган афзал, деган нақл бор. Фавқулодда вазиятларнинг олдини олиш ва ёнғин хавфсизлигини таъминлаш мақсадида 12 нафар Фавқулодда вазиятлар туман бўлими ходимлари томонидан туман тиббиёт бирлашмасида "Фавқулодда вазиятларни олдини олиш, ёнғин хавфсизлиги қоидаларига риоя қилиш ҳамда ёнғин келиб чиққанда тўғри ҳаракат қилиш хусусида амалий ўқув-тактик машқи бўлиб ўтди.

Ушбу фавқулодда вазиятларни олдини олиш ва ёнғин хавфсизлигини таъминлаш мақсадида амалга оширилган амалий тадбирда туман ФВБ, туман ИИБ, Миллий гвардия туман Қуриқлаш бўлими, "Чироқчитумангаз" газ таъминоти бўлими, туман электр тармоқлари корхонаси, туман тиббиёт бирлашмаси ходимларидан иборат 68 нафар шахсий таркиб ва 7 та махсус техникалар иштирок этди.

Шунингдек, тарғибот-ташвиқот ишларини кенг олиб бориш мақсадида 38 нусхада 2 хилдаги эслатма, йўриқнома ва буклетлар ишлаб чиқилиб, ишчи-ходимларга тарқатилди.

- Асосий мақсадимиз давлат объектларида фавқулодда вазиятлар ҳамда ёнғин хавфсизлигини олдини олишга қаратилган, - дейди Озодбек Жахбаров туман ФВБ бўлинма бошлиғи, капитан.

Туманда фавқулодда вазиятлар ва ёнғинларни кунгилсиз ҳолатларни олдини олиш бўйича профилактика тарғибот тадбирлари ўтказилмоқда.