კიოსაკიმ შაბათს თავის ტვიტერზე დაწერა:

ცნობილმა ავტორმა და ინვესტორმა რობერტ კიოსაკიმ იწინასწარმეტყველა, რომ ოქტომბერში მოხდება "საფონდო ბირჟის დიდი კრახი" და აღნიშნა, რომ ოქრო, ვერცხლი და ბიტკოინიც შესაძლებელია გაუფასურდეს. ცნობილი წიგნი “მდიდარი მამა ღარიბი მამა არის 1997 წელს გამოსული, რომლის თანაავტორი თვითონ რობერტ კიოსაკი და შერონ ლეხტერია. ის ექვს წელზე მეტია New York Times- ის ბესტსელერების სიაშია. წიგნის 32 მილიონზე მეტი ასლი გაიყიდა 51 -ზე მეტ ენაზე 109 -ზე მეტ ქვეყანაში.

კიოსაკიმ შაბათს თავის ტვიტერზე დაწერა:

“ოქტომბერში საფონდო ბირჟას დიდი კრახი ელოდება. რატომ? სახაზინო და Fed-ის საგადასახადო ვალდებულებების გამო, რომლებსაც ისინი ვერ ასრულებენ. ოქრო, ვერცხლი, ბიტკოინი შეიძლება ასევე გაუფასურდეს. ნაღდი ფულის შენახვა საუკეთესოა ამ დროს საყიდლად. არ ვყიდი ოქროს, ვერცხლს, ბიტკოინს, მაგრამ მაქვს ბევრი ნაღდი ფული საფონდო ბირჟის კრახის შემდეგ კარგი შენაძენების გასაკეთებლად. ახლა აქციების შენახვა საშიშია. იყავით ფრთხილად”.

კიოსაკი ხმამაღლა პროგნოზირებდა ბაზრის უდიდესი კრახის შესახებ. ივნისში მან ხალხი გააფრთხილა, რომ "ისტორიაში ყველაზე დიდი კრახი" გარდაუვალი იყო რადგანაც მსოფლიო ისტორიაში "ყველაზე დიდი ბუშტი" მხოლოდ და მხოლოდ მეტად "იზრდებოდა". მან ამავე დროს ურჩია საზოგადოებას მეტი ოქროს, ვერცხლისა და ბიტკოინის ყიდვა. ცნობილმა ავტორმა აგვისტოში დაწერა: ”ბიტკოინს აქვს ყველაზე დიდი ზრდის ტენდენცია. დოლარის ინფლაციის პირობებში, ბიტკოინი და ვერცხლი საუკეთესო ინვესტიციაა.” მან ასევე გაგვიზიარა თავისი აზრი: ”ბიტკოინში, ოქროსა და ვერცხლში ინვესტიციის მთავარი მიზეზი ის არის, რომ მე არ ვენდობი ჩვენს ლიდერებს, Fed-ს, სახაზინო და საფონდო ბირჟებს. სამწუხაროდ, დედას და მამას, რომლებიც ინახავენ ფულს, ისევ სჯერათ მათი”

პარასკევს, მას შემდეგ, რაც გავრცელდა ინფორმაცია ჩინეთში კრიპტოვალუტის აკრძალვების შესახებ, “მდიდარი მამა ღარიბი მამა”-ს ავტორმა კომენტარი გააკეთა:

“დღეს დილით ჩინეთმა გამოაცხადა კრიპტოვალუტის მიმართ ახალი აკრძალვების შესახებ. რას ნიშნავს ეს? ეს ნიშნავს, რომ ჩინეთი აპირებს გამოუშვას საკუთარი სამთავრობო კრიპტოვალუტა. თუ ამერიკა მიბაძავს მას, ფედერალური ბანკის მონეტა ნიშანი იქნება ბიტკოინის კანონგარეშედ გამოცხადებისა, ამ შემთხვევაში კი შეერთებულ შტატებს ეყოლება ცენტრალიზებული მთავრობა ჩინეთის მსგავსად, დაიწყება ამერიკული კომუნიზმი, დამთავრდება ჩვენი თავისუფლება”

მიუხედავად იმისა, რომ ჩინეთი უკვე ინტენსიურად ატარებს ციფრულ იუანის ტესტირებას, აშშ -ს ფედერალურ რეზერვს ჯერ არ აქვს გადაწყვეტილი გამოუშვას თუ არა ცენტრალური ბანკის ციფრული ვალუტა (CBDC). Fed– ის თავმჯდომარემ ჯერომ პაუელმა გასულ კვირას თქვა, რომ Fed მალე გამოაქვეყნებს განხილვას ამ თემაზე. ზოგიერთი მიიჩნევს, რომ ჩინეთის ქმედება კრიპტოვალუტის წინააღმდეგ საბრძოლველად დადებითი სიახლეა. მათ შორისაა რამდენიმე ამერიკელი კანონმდებელი, რომლებიც ამბობენ, რომ ჩინეთის კრიპტოვალუტაცია აშშ -სთვის კრიპტოვალუტის სფეროში ლიდერობის დიდი შესაძლებლობაა. ”ჩინეთის ავტორიტარული რეპრესიები კრიპტოვალუტის მიმართ, ბიტკოინის ჩათვლით, არის დიდი შესაძლებლობა აშშ -სთვის, ეს არის ასევე შეხსენება ჩვენი უზარმაზარი სტრუქტურული უპირატესობისა ჩინეთთან მიმართებაში,” - განაცხადა სენატორმა პატ ტომიმ.