ИЗ СТОГЛАВОГО СОБОРА (1551 г.) О СВЯТЫХ ИКОНАХ
ГЛАВА ПЯТАЯ. ТРИДЕСЯТЬ СЕДЬМЬ ЦАРСКИХ ВОПРОСОВ.
ВОПРОС III. О святых и честных Иконах.
Святыя честныя Иконы по Божественным правилом, по образу и по подобию, и по всякому существу образ Божий написовати, и Пречистой Богородицы, и всякаго Святаго угодников Божиих, и о сем свидетельство в Божественном писании, и у вас есть. И о сем великое попечение имети достоит, чтобы иконописцы были во всяком чувствии, и добредетелех живущии, и учеников бы учили по существу образы Божии писать.
ГЛАВА ДВАДЦАТЬ СЕДЬМАЯ. О святых Иконах и о исправлении книжном.
Да протопопом, и старшим священником избранным, со всеми священники, в коемждо граде, во всех святых Церквах, дозирати святых Икон, и священных сосудов, и всякаго Церковнаго чину служебнаго, и на престолех святых дозирати, антиминсов, и священных книг святаго Евангелия и Апостола, и протчих святых книг, их же соборная Церковь приемлет. И которыя будут святыя Иконы состарелися, им тех велети иконником починивати, а которыя будут мало олихвины, и они бы те иконы велели олихвиты, а которыя святыя будут книги, Евангелии и Апостолы и Псалтыри, и прочия книти, в коейждо Церкви, суть обрящете неправлении, описливы, и вы те все святыя книги с добрых переводов исправили бы соборне, занеже священныя правила о том запрещают, и не повелевают не праведных книг в Церковь вносити, и ничто же по них пети.
ГЛАВА СОРОК ПЕРВАЯ. О тридесяти и дву царских вопросех, и соборныя ответы по главам.
ВОПРОС I.
О святей Троице пишут, перекрести ову средняго, а иныя у всех Трех, а которых письмах и то греческих подписывают святая Троица, а перекрестия не пишут ни единаго, а ныне подписывают у средняго Исуса Христа святая Троица; и о том разсудити от Божественных правил, како ныне то писати.
И о том ответ.
Писати живописцам иконы с древних образцов, како греческия живописцы пишут или писали, и как писал Рублев, и протчия живописцы, и подписывати святая Троица, а от своего замышления ничтоже претворити.
ВОПРОС VII.
На иконах пишут, приидете людие трисоставному Божеству поклонимся, и в споднем ряду пишут цари и князи и Святители и народы, которыя живи суще, и о том разсудити от Святых Отец писаний; також пишут и пречистыя Богородицы образ в видении, иже есть на Тихфине, и цари, и князи и народи предстоят молящеся, которыя живи суть, и о том разсудити, достоит ли писати живых и мертвых молящихся.
И о том ответ.
У древних Святых Отец преданиях, от пресловущих живописцев греческих и русских свидетельствуют, и на святых иконах воображены и написаны, якоже на Воздвижение честнаго и животворящаго Креста Гоподня, не токмо цари и Святители, и прочия народи многая множество всяческих чинов. Также и на Покров Пресвятыя Богородицы, егда виде Святый Андрей Богородицу молящуся со всеми Богу за весь мир; безчисленное множество народа писано также на происхождение честнаго и животворящаго Креста, не токмо цари и князи, множество безчисленное народа писана суть на страшном суде, на иконах воображают и пишут не токмо Святых, но и неверных многия и различныя лица от всех язык.