Наманган мунтазам ЙПХ масканида юкхонаси пиротехника билан тўлдирилган автомашина аниқланди

Наманган вилояти ИИБ ЙҲХБ ходимлари томонидан "Наманган" мунтазам ЙПХ масканида хизмат олиб бориш давомида, 40 Q 032 MA давлат рақам белгили "Ласетти" автомашинаси тўхтатиб текширилганда автомашинанинг юкхонасида бир нечта қутилар ва полителин қопда пиротехника воситалари борлиги аниқланди.

Мазкур пиротехника воситалари ноқонуний йўллар билан олиб кирилган. Ҳолат юзасидан тегишли хужжатлар расмийлаштирилиб, суриштирув ишлари давом эттирилмоқда.

Янги йил байрами арафасида пиротехника воситаларининг ноқонуний савдоси орқали мўмай даромад ортиришни мақсад қилганлар кўпайиб боради. Ҳушёрликни оширадиган жиҳати шуки, бу каби пиротехника воситалари инсон саломатлиги учун хавфли ҳисобланади. Ҳурматли фуқаролар бу каби ҳолатлар ҳақида бирор маълумотга эга бўлишингиз билан ҳудудий Ички ишлар бўлимига хабар беринг.

Наманган вилояти ИИБ Ахборот хизмати.