TALAB YUQORI BO‘LGAN MAHSULOTLAR ISHLAB CHIQARILMOQDA
«Enter Steel» MChJ to‘g‘ridan-to‘g‘ri xorijiy investitsion mashinasozlik zavodi tashkil etilgan birinchi kundan boshlab ishlab chiqarilayotgan mahsulotlar turlarini muntazam oshirib bormoqda. Ushbu ro‘yxatga korxona tomonidan ishlab chiqariladigan yong‘inga qarshi eshiklar ham kiradi.
Ushbu turdagi mahsulotlarning xususiyatlari haqida bizga mashinasozlik bo‘yicha bosh konstruktor bo‘limi muhandis-konstruktori Asqarbek Ibragimov gapirib berdi:
— Zavodda barcha zarur xavfsizlik talablariga javob beradigan zamonaviy yong‘inga qarshi eshiklar ishlab chiqarish o‘zlashtirildi. Ularning konstruksiyasi har xil turdagi (sanoat, omborxona, turar-joy va boshqa) binolarda foydalanish imkonini yaratib, yong‘in va tutun tarqalishidan to‘liq himoya qiladi. Yong‘in sodir bo‘lganda, bu omillar yong‘in tarqalishining oldini olishga, odamlarning hayotini saqlab qolishga va moddiy zararni kamaytirishga yordam beradi.
Zavod mutaxassislari mijozlar bilan barcha jihatlarni oldindan muhokama qilib olgan holda, har bir buyurtmani individual ravishda bajarishlari odatiy holdir.
— Ishlarni amalga oshirishda kontragentlarning barcha xohish-istaklari, eshiklar o‘rnatiladigan binolarning konstruktiv xususiyatlari inobatga olinadi, — deydi Asqarbek Baxtiyorovich. — Barcha zarur kelishuvlardan so‘ng konstruktorlarimiz mahsulotning barcha elementlarini, xatto rangigacha tavsiflovchi chizmalar va texnik hujjatlarni ishlab chiqadilar. Shundan so‘ng, buyurtma sexga yuboriladi, u yerda esa qismlar ishlab chiqariladi, ularni yakuniy yig‘ish va yakuniy bo‘yash amalga oshiriladi. Metallni kesish va payvandlash bo‘yicha zamonaviy uskunalarimiz tufayli zavod eshiklarning eng yuqori sifati va uzoq yil xizmat qilishini kafolatlaydi. Shuningdek, biz tayyor mahsulotlarimizni mijozning obyektida o‘rnatishda yordam beramiz.
Zavod mijozlari orasida ko‘plab yirik korxona va tashkilotlar, jumladan, Samarqand turistik markazi ham borki, uning qurilishi uchun 500 ga yaqin murakkab funksional talablarga ega maxsus eshiklar ishlab chiqarilgan.
Enter Steel zavodi sexlarida ish qizg‘in davom etmoqda va biz korxona ustalariga ulug‘vor ishlarida yanada ko‘proq muvaffaqiyatlar tilab qolamiz!
