Enver Mustafayev: ajoyib ishim bor
Enter Steel Olmaliq korxonasida smena ustasi Enver Mustafayevning hayot yo‘li istiqbolli yosh mutaxassisning karyera qura olishiga yorqin misoldir.
Darhol aytish kerakki, bizning qahramonimiz korxonaning eski xodimi – u zavod ochilgandan so‘ng darhol keldi va shu vaqt ichida RDB operatoridan smena ustasigacha bo‘lgan yo‘lni bosib o‘tdi.
— Enver, aytingchi, sizning vazifangiz nimalardan iborat?
— Mening rahbarligimda metall mahsulotlar ishlab chiqarish sexida 30 dan ortiq kishi — RDB operatorlari va oddiy ishchilar mehnat qiladi. Biz metall va po‘lat profillardan bo‘lg‘usi metall konstruktsiyalar uchun “zagatovka”lar ishlab chiqarish bilan shug‘ullanamiz. Bizning ixtiyorimizda Voortman kompaniyasining (Niderlandiya) to‘liq robotlashtirilgan (split) liniyasi, plazma kesish mashinalari, RDB va boshqalar mavjud. Ularning har biri zamonaviy yuqori aniqlikdagi uskunalar bo‘lib, bu qismlarning yuqori o‘lchamdagi aniqligini va ishlov berish tezligini ta’minlaydi.
Ishimiz sur’ati ancha yuqori, chunki mahsulotlarning asosiy qismi jadal sur’atlar bilan qurilayotgan 3-MBF qurilish maydonchasiga yetkazib berilmoqda. Bunda asosiy e’tibor ish sifatiga qaratiladi. Biz barcha mahsulotlarni sifat nazorati bo‘yicha mutaxassislarga topshirishdan oldin e’lon qilingan parametrlarga muvofiqligini majburiy mustaqil sinovdan o‘tkazamiz.
— Zavodga ishga kelishingiz tarixi qanday?
— Enter Steel Olmaliqqa ishga kirgunga qadar bir necha yil mahalliy korxonalarda slesar-montajchi bo‘lib, metall konstruksiyalarni yig‘ish va o‘rnatish bilan shug‘ullanganman. Zavodning ochilganini bilganimda, bu munosib ish haqi bilan barqaror ish topish uchun yaxshi imkoniyat ekanligini angladim. Oxir-oqibat shunday bo‘ldi va men ushbu ajoyib korxona jamoasi a’zosi ekanligimdan, albatta, xursandman va faxrlanaman.
— Oilangiz haqida qisqacha gapirib bersangiz.
— Men Olmaliqlikman, aytishlaridek, qayerda tug‘ilgan bo‘lsam, o‘sha yerda qo‘l kelganman. Oilaliman, turmush o‘rtog‘im Dinara AKMK xodimi, lekin hozirda ikki farzandimizni tarbiyalash uchun tug‘ruq ta’tilida. Ota-onam ham biz bilan yashaydilar, Allohim ularga sog‘lik va uzoq umr bersin!
Enver Mustafayev va uning hamkasblariga omad va yaxshi kayfiyat tilaymiz!