Charchoq bilmas xo‘jalik boshlig‘i

Bugungi maqolamiz qahramoni — «Enter Steel Olmaliq» mashinasozlik zavodi ma’muriy-xo‘jalik bo‘limi boshlig‘i Qudrat Hakimjonovich Baratov.

Qudrat Baratov Toshkent avtomobil yo‘llari institutini tamomlagach, turli tashkilot va korxonalarda ishlab, tajriba orttirdi. 2023-yil boshida mashinasozlik zavodiga yetuk va tajribali mutaxassis sifatida keldi hamda darhol jamoaga «qo‘shilib ketdi». Bu yerda u hamkasblari orasida haqiqiy do‘stlarni topdi, bu uning yangi joyga moslashishida muhim rol o‘ynadi. Qudrat ularni nafaqat o‘z ishining ustasi, balki ustoz sifatida ham hurmat qiladi. Hamkasblarining uni samimiyat bilan qabul qilgani jamoaga ishonch va hurmat muhitini olib keldi. O‘zaro tushunish mavjud bo‘lgan joyda har doim samarali ishlash va kasbiy rivojlanish uchun inkon mavjud.

— Agar ishim haqida gapiradigan bo‘lsak, bir qarashda ishlab chiqarish sexlariga qaraganda unchalik murakkab emasdek tuyulishi mumkin. Lekin men uni mas’uliyatli va serqirra deb bilmayman, — dedi Qudrat Baratov. — Korxona hududi va ofis binolarida tozalikni saqlash, ishlab chiqarish sanitariyasi va yong‘in xavfsizligi me’yorlariga rioya etilishini ta’minlash bo‘yicha kundalik tadbirlarni tashkil etaman. Bundan tashqari, barcha zarur xo‘jalik buyumlari, shuningdek, xodimlarni ofis anjomlari va boshqa materiallar bilan ta’minlashga mas’ulman.

Qolaversa, Qudrat Baratov binolarni joriy ta’mirlash ishlarini tashkil etib, uning sifatini puxta nazorat qilib boradi. Mutaxassisning muhim vazifalaridan biri korxona ofislarini mebel va maishiy texnika bilan jihozlash, shuningdek, muhandislik va boshqaruv uskunalarining xavfsizligi va ishlashini ta’minlashdir.

— Men ishimni juda yaxshi ko‘raman, — deydi Qudrat Baratov. — Topshiriqlarni yuqori saviyada bajarishga harakat qilaman va yuzaga keladigan qiyinchilik hamda ish yukiga qaramay, ularni yengishda menga ijobiy kayfiyat yordam beradi. Bunda oilamning ham hissasi katta: rafiqam Nafisa Nurafshon shahridagi oilaviy poliklinikada hamshira bo‘lib ishlaydi. U bizning uch farzandimiz va ota-onamga g‘amxo‘rlik qiladi, buning uchun undan juda minnatdorman.

Qudratga bundan buyon ham ishlarida muvaffaqiyatlar, oilaviy farovonlik tilaymiz!