7 кніг ад пісьменніка Сяргея Календы

Пісьменнік Сяргей Календа пра сем асноўных кніг, якія ў тым ліку паўплывалі на літаратуру і кіно.

1. Луи-Фердинанд Селин «Путешествие на край ночи»

Кніга, якая вельмі моцна паўплывала на альтэрнатыўную літаратуру, на магчымасць выказвацца простай моваю, словамі, але праз боль і крытыку.

2. Джордж Оруэлл «Скотный двор»

Гэта сапраўды тое, дзе мы жывем. Як паказвае гісторыя і ўсе апошнія моманты ў жыцці, сапраўды ўсё так і ёсць.

3. Никколо Макиавелли «Государь»

Мне здаецца часам, Лукашэнка гэтай кнігай толькі і карыстаецца, але па-іншаму, не так, як Макіявелі пра гэта казаў. Макіявелі напісаў «Уладар», каб паказаць, як не трэба, але ўсе чамусьці ўзяліся і ўспрымаюць гэтую кнігу як Біблію для кіравання краінамі.

4. Стивен Кинг «Сияние»

Адна з самых паспяховых не толькі кніг, але і кіно, якое зняў Кубрык. Таксама кніга стала ўплывовай у мастацтве.

5. Энтони Бёрджесс «Заводной апельсин»

Кніга, якую трэба чытаць, каб ведаць, да чаго можа прывесці трэш, краш, банды і ўсё астатняе.

6. Гамэр «Адысея»

Без яе амаль ніводная кніга не чытаецца, бо ўсё сказаў Гамэр.

7. Роальд Даль «Гремлины»

Я выбраў гэтую кнігу, бо гэта смешнае апавяданне, якое потым вырасла ў вялікі кінапраект, у цэлы шэраг стужак пра грэмлінаў. А грэмлінаў наша пакаленне добра памятае.