ФЕМИНИСТАНЬ ТОРПИНОГОНЬ КАРШЕК АРАМАНЬ МАНИФЕСТСЬ
Шобдава февральковста 24-це шиня, 5:30 маласа Москунь пингть коряс Рузмасторонь оцюнясь Владимир Путин пачфтсь куля «башка операция» ётамань колга Украинань масторса «нацификациень» и «милитаризациень» каршес. Тя операциясь аноклакшневсь ламос, мзярошка кофт Рузмасторонь виенза малаткшнесть Украинань масторонь китьксонцты. Тона пингста масторть вятисна троксасть эрь кодама врьгятемань анокламать. Кода минь тяни няйсаськ тя васькафнемасель.
Рузмасторсь ушедсь од торпингсь шабрань масторса эсь мялень коряс эрямать и сетьмошить колга надиямаснон апак макстт. Торпингсь ушедсь аф весть: минь шарьхкодьсаськ тя торпингсь моли ни 8 кизот Рузмасторонь Федерациять инициативанц коряс. Донбасса тюрембингсь арась Крымонь аннексиять полатксокс. Минь арьсетяма Рузмасторсь и сонь оцюнясь аф пичедихть Луганскяй и Донецкяй эряйхнень инкса, а республикнень статусснон кемокстамась 8 кизода меле эрявсь аньцек кода идемань туфтал Украинань лангс врьгятеманди.
Феминизманди кода политиканы виенди аш кода кирдемс торпингть ширенц, сембола пяк оккупациянь торпингть. Феминизмась ащи ломаньтналть инголдаманц инкса, ломаттнень инкса кит лядсть апак аралак, асунь и перспектифнень ламолгадоманснон инкса. Тага виень каршес и ломаттнень ладса ащемаснон инкса.
Торпингсь тя вихца сявомась, ашшись, мзярда ломаттнеди сави тумс миграцияв, ня тапаф эряфсь, пелезь ащемась, сай пингонь мяльхнень юмамась. Тя сембось ащи феминизмань ваймонзон каршес. Торпингсь вихонзафни гендер коряс аф фкаксшись, а тянди ули кода потафтомс сембе ломанень видексонь сатфкссна меки лама кизос. Торпингсь канни аф аньцек ломатнень вихца тиемасна, тага аватнень вихца сявомасна кода няфтьсы историясь. Торпингста эрь авась ляды вихца сявомда апак аралак и стама рисксь аньцек касы. Тянь и лия туфталхнень коряс Рузмасторонь феминистатненди и сембонди кит кирдьсазь синь ширеснон эряви аф пелезь максомс эсь вайгяльсна тя торпингть каршес, конань эса минь мастороньконь вятисна мувор мархта.
Тяниень торпингсь, кода няфнесы Путинть корхтамац моли политтехнолокнень кядьса тиф кода «минь коеньконь» келептеманза, конатнень Рузмасторсь кармай каннема миссионер лаца, вийсь путозь эрьти кие аф кирди шереснон, кинь эсь лия мяленза. Мезе тя стама «минь коеньке» содасазь сембе кит маштыхть критикань ванфса ванозь няемс тоса авань эксплуатациясь и сятнень каршес тюремась, китнень эрямасна, койсна, тевсновок лиси тяйня патриархалень нормаста. Шабрань масторонь оккупациянь шнамась, эсь кичкор нормать и демагогиконь «идемась» вихца путнемась тага фкя туфтал мес сембе Рузмасторонь феминистанди эрявихть сембе вийса пандокс ащемс тя торпингть киснон туркс.
Тячи феминистатне аф лама Рузмасторонь политикань вийхнень эзда фкясь. Масторть вятисна ламос ашесть няе эсонк политикань вийсь, сяс минь аф сидеста и аф сяшкава повондоме репрессиятнень ала, лиятнень ваксс путозь. 45 феминистань полгада лама покодихть сембе масторга Калининградста Владивостокти сявомок. Минь серьгяттяма феминистань полгатнень эса и башка феминистат пуроптомс марс Феминистань Торпингонь каршек арамаса: торпингть каршес, масторть вятиснон каршес кит эстонца мусор марта марстонь вийса. Миннеда лама, марса минь лама машттама: мекольце 10 кизот феминистань вийсь сявондезе оцю вастсь медиаса, культурасовок, сась пингсь арамс политиконь вийкс. Минь торпингть каршек арайхтяма, минь патриархатть, авторитаризмать, милитаризматть каршетяма. Минь сай пинктяма и минь сяськтама мархтост.