ФЕМИНИСТСКОЕ АНТИВОЕННОЕ СОПРОТИВЛЕНИЕ МАНИФЕҺА
Россия таһынааҕы дойдуга саҥа сэриини биллэрдэ, бэйэни быһаарыта уонна эйэлээх олоххо эрэлэ суох хаалларда. Бастакы биллэриитэ буолбатах: биһиги сэрии 8-ыс сылын Россиятааҕы Федерация инициативатынан буола турарын билинэбит уонна Донбасска сэрии ол сокуон таһынан Крым аннексиятын түмүгэ буолар. Биһиги санаабытыгар Россияны уонна бэрэсидиэнин Луганск уонна Донецк олохтоохторун дьылҕалара долгуппат уонна хаһан да долгуппатаҕа, онтон 8 сыл кэннэ өрөспүүблүкэлэри билинии босхолооһун сыал аатынан Украинаҕа саба түһүүтүгэр эрэ наада этэ.
Феминизм политическэй күүс быһыытынан сэриини өйөөбөт, оккупациялыыр сэриини олуһун өйөөбөт. Феминизм түмсүү сайдыытыгар, кыаҕа суохха көмөҕө, кыах да кэскил элбииригэр уонна тулабытыгар күүһүлээһин аҕайыырыгар, дьон эйэҕэ бииргэ олороругар туруорсар.
Сэрии — диэн күүһүлээһин, дьадаҥы олох, күһэллэн (баҕараллабатах) миграция, алдьаммыт олохтор, кутталлаах эйгэ уонна инники кэм кэскилин сүтүүтэ. Сэрии феминизм хамсааһынын ис хоһоонун утары буолар. Сэрии гендер тэҥнэһиитин аҕыйатар уонна киһи быраабын эйгэтигэр ситиһиилэри хас да сыл кэнники тартар кыахтаах.
Сэрии эт-сиин күүһүлээһини эрэ буолбакка уонна сексуализацияламмыт күүһүлээһини аҕалар: история көрдөрөрүнэн сэрии кэмигэр хайа баҕар дьахтар күүһүлэммит буолар куттала хас да төгүл улаатар. Бу уонна элбэх атын биричиинэнэн сибээстээн Россия феминистара уонна феминисткай сыаннастаах дьон биһиги дойдубут салалтата саҕалаабыт сэриитин утары туруорсар тустаахпыт.