ОЖЛЫ ПУМИТ ФЕМИНИСТКОЙ НЮРЪЯСЬКОНЛЭН МАНИФЕСТЭЗ
Кызь ньылетӥ тулыспалэ ӵукна вить, но ӝыны часэ Муско дырын Россиысь президент Владимир Путин ялӥз Украинаын «нимысьтыз операция» ортчытон сярысь. Та ужрадлы дасяськон ортчиз кöня ке толэзь ӵоже. Асьме кунысь кивалтӥсьёс Россия ялӥз бускель кунлы выль ож сярысь, кудӥзлэн тупаса улон понна öй вал быръёнэз. Со сярысь нырысьсэ öз ялӥ ми валаськом, со ож кыстӥське ини тямыс ар Росси Федерацилэн мылкыд каременыз, нош Донбасс — со Крымез басьтэмлэн бервылыз. Милям малпаммыя, Россилэн, но солэн президентэзлэн ноку, но öз сюлэмшугъяськыты Луганскысь, но Донецкысь огшоры адямиослэн улон-вылонзы. Нош тямыс ар ортчыса, та элькунъёсты Россие пыртон — со луэ аспöртэмлыко малпанъёссэс улонэ пыӵатон.
Феминисткой движение котьку ожлы пумит луоз, тужгес, но оккупацилы сӥзем ужлы. Феминистъёс дурбасьто обществоез азинтонлы, юртто соослы, кин лябгес, оско азьланяз ӟечезлы, тыршо котырысь улосын öжытгес мед луоз вöськарон, улосвылын адямиос ог-огенызы мед тупаса улозы.
Ож — со вöськарон, начар улон, аслад странаысьтыд кöчон, улонлэсь радлыксэ ыштон, кышкытлык, но вуоноезлы осконтэм луон. Ож быдэсак ваче пумит луэ феминисткой движенилэн пуштросэныз. Ож муромытэ пиосмурт, но кышномурт вискысь огкадь луонтэмез, соин сэрен адямилэн правоосыз понна нюръяськонэз нош ик трос аръёслы берен сэрпалтэ. Ож дырья нылкышноослы трослы секытгес луэ, малы ке шуоно пöртэм шуг-секытъёсты вормем сяна, соос чидано луо мыскыл каремъёсты но. Таин валче Россиысь феминисткаослы, но кин дунъя феминисткаослэсь улон шоры учкемзэс, юн-юн кариськыса, султыны кулэ асьме странаысь вылысь кивалтисьёсын кутскем ожлы пумит.
Путинлэн калыклы вазиськемезъя, туала ож ортче политтехнологической «калык дунлыкъёс» улсын, кудиз быдэс дуннее будто ке вöлмытоз «калык дунлыклэсь» кужымзэ. Таин валче нюрьяськыны кулэ сыче калыкъёсын, кудъёсыз пумит талы яке соглаш öвöл та учконэн. «Калык дунлыкъёс» сярысь валатон валамон луоз соослы, кин быгатэ пыр-поч малпаськынӥ отын пумиське нылкышноосты пиосмуртъёслэсь улӥегес карон. Феминистской движенилэн ожлы пумит султонэзлэн эшшо одӥгез мугез луэ со бордӥн Россиын оккупациез дурбасьтонлы пумит султон.