Naučniki davajut novost o pramatčině Slovjan💎Научники давајут новост о праматчинє Словјан
Naučniki govoret, že prihod slovjan jest jedno iz najvažnyh sobytij historije Evropy. Ale ono ne jest dost razslědovano i trěbuje mnogo analizov! Novu važnu analizu migraciji slovjan v ranem Srědnevěčju sdělala naučna genetična organizacija. Rezultat byl publikovany v mnogo znanom naučnom časopisu NATURE: https://vvv.nature.com/articles/s41586-025-09437-6 *
1. Pramatčina slovjan věrodostojno jest zemja medžu Dnestrom i Dněprom
tam slovjani žili malymi rodinami (t.n. nuklearnoju familijeju). Ne bylo rodovoj občiny/rodovogo byta.
2. Male rodiny sjedinjali se v rodove občiny, žeby mogli migrirovati.
iz togo povodu bazoju raněslovjanskoj kultury stala rodova občina.
3. Pri migraciji na sěver slovjani bez malogo ne měšali se s lokalnoju skandinavskoju populacijeju. Pri migraciji na jug slovjani ≈50/50 měšali se s velmi različnymi lokalnymi populacijami.
Научники говорет, же приход словјан јест једно из најважных событиј хисторије Европы. Але оно не јест дост разслєдовано и трєбуjе много анализов! Нову важну анализу миграциjи словjан в ранем Срєдневєчjу сдєлала научна генетична организациjа. Резултат был публикованы в много знаном научном часопису NATURE: https://www.nature.com/articles/s41586-025-09437-6
1. Праматчина словјан вєродостојно јест земја меджу Днестром и Днєпром
там словјани жили малыми родинами (т.н. нуклеарноју фамилијеју). Не было родовој обчины.
2. Мале родины сјединјали се в родове обчины, жебы могли мигрировати.
из того поводу базоју ранєсловјанској културы стала родова обчина.
3. При миграцији на сєвер словјани без малого не мєшали се с локалноју скандинавскоју популацијеју. При миграцији на југ словјани ≈50/50 мєшали се с велми различными локалными популацијами
*також на русском jезыку: https://knife.media/prishelczy-s-vostoka-kak-slavane-zaselili-evropu/