Jestli ty jesi ješče ne prohodil test McGurka, on jest tut (latinica jest dalje).

Јестли ты јеси јешче не проходил тест Мак-Гурка, он јест тут.

Аудио-тест Мак-Гурка. Инструкција

1. Затвори своје очи. Првы раз слушај видео с замкнутыми очами. Не гледи очами, једино слушај:

2. Другы раз гледи то видео с отворјеными очами. Что ново ты чујеш?

Конец теста.

Даље јест додаточна информација послє гледєнја теста

Тут јест забавно видео с тестом на Јапонској ТВ. Можеш видєти, что слышали други људи на тесту:

Вечинство људиј слышет ба-ба с затворјеными очами, але они слышет другы звук с отворјеными очами.

За что тако јест? чловєк на звукозапису говори направду ба-ба, але чловєк на видеозапису говори га-га.

Итак, когда погледатељ гледи видео с отворјеными очами, јего мозг добываје информацију једночасно из аудиу и из видеу.

Хвала подобным експериментам мы можемо познати како велико много информације мозг може добывати гледајучи на уста, гледајучи на живого говоритеља.

Автори книгы "Becoming Fluent: How Cognitive Science Can Help Adults Learn a Foreign Language" помимо теста Мак-Гурка, јешче говорет, же аудиозаписы како напр. mp3 записы, не имајут всех одтєнков звука, а ф и с поченајут быти подобне једин на другого на аудиозапису. Автори говорет, же мозг буде помагати вам учити се, јестли вы будете гледєти на говоритеља.

⇒
Јестли ты учиш себе новы језык, тобє буде помогти приблизно 10 мин. за дењ гледєти како говори носитељ језыка.

💎

Audio-test McGurka. Instrukcija

1. Zatvori svoje oči. Prvy raz slušaj video s zamknutymi očami. Ne gledi očami, jedino slušaj:

2. Drugy raz gledi to video s otvorjenymi očami. Čto novo ty čuješ?

Konec testa.

Dalje jest dodatočna informacija poslě gleděnja testa

Tut jest zabavno video s testom na Japonskoj TV. Možeš viděti, čto slyšali drugi ljudi na testu:

Večinstvo ljudij slyšet ba-ba s zatvorjenymi očami, ale oni slyšet drugy zvuk s otvorjenymi očami.

Za čto tako jest? člověk na zvukozapisu govori napravdu ba-ba, ale člověk na videozapisu govori ga-ga.

Itak, kogda pogledatelj gledi video s otvorjenymi očami, jego mozg dobyvaje informaciju jednočasno iz audiu i iz videu.

Hvala podobnym eksperimentam my možemo poznati kako veliko mnogo informacije mozg može dobyvati gledajuči na usta, gledajuči na živogo govoritelja.

Avtori knigy "Becoming Fluent: How Cognitive Science Can Help Adults Learn a Foreign Language" pomimo testa McGuka, ješče govoret, že audiozapisy kako napr. mp3 zapisy, ne imajut vseh odtěnkov zvuka, a f i s počenajut byti podobne jedin na drugogo na audiozapisu. Avtori govoret, že mozg bude pomagati vam učiti se, jestli vy budete gleděti na govoritelja.

⇒

Jestli ty učiš sebe novy jezyk, tobě bude pomogti priblizno 10 min. za denj gleděti kako govori nositelj jezyka.

*ja pišem slovo audio-test v tom smyslu, že test izpytyvaje kako my razbirajmo zvuky. No po formatu to jest audiovideotest.

Žrla: https://en.wikipedia.org/wiki/McGurk_effect , Becoming Fluent: How Cognitive Science Can Help Adults Learn a Foreign Language. R. Roberts, R. Kreuz.