FAQ o medžuslovjanskom na medžuslovjanskom iz oficijnogo sajtu 💎 FAQ о меджусловјанском на меджусловјанском из официјного сајту

FAQ (frequently asked questions) o MS na anglijskom jezyku i na slovjanskyh jezykah sut na sajtu https://interslavic.fun/learn/introduction/faq/ . No tut ty možeš čitati prěklad tyh FAQ na medžuslovjanskom.

FAQ (frequently asked questions) о МС на англијском језыку и на словјанскых језыках сут на сајту https://interslavic.fun/learn/introduction/faq/ . Но тут ты можеш читати прєклад тых FAQ на меджусловјанском.

Medžuslovjansky jest pomočny jezyk, razumlivy mnogym Slovjanam bez učenja

Medžuslovjansky imaje standardny uravenj i daljši uravenj. Ako ty jesi govoritelj někakogo slovjanskogo jezyka, učenje standardnogo uravnja ne bude dolgo.

Mnogi govoritelji skazali, že poslě 2-3 sedmic učenja oni mogli dost uvěrjeno pisati v čatu; poslě 1.5 - 3 měsecev učenja oni mogli govoriti na obyčajne temy; 8-10 měsecev učenja davali možnost uvěrjeno govoriti na standardnom uravnju. Takože te govoritelji skazali, že to bylo neintensivno učenje v neveliky svobodny čas.

No napravdu čas jest individualny, i to može byti različno za različnyh ljudij.

Ako ty ne znaješ nikaky slovjansky jezyk, ty potrěbuješ mnogo časa da by naučiti se medžuslovjansky jezyk.

Cělj medžuslovjanskogo jest razumlivost směsta bez učenja. Slova kako “kalendar” znaje vsaky Slovjanin, zatom podobne slova sut v medžuslovjanskom.

Jest prototip avto-prěkladača medžuslovjanskogo. On rabotaje, ale trěbuje da by programisti jego ješče razvivali.

4 filmy. Playlist:

https://www.youtube.com/playlist?list=PLN7FF06VmIkkpWsnaRKitfJMx0Ngr8h-g

Link na muziku, teksty, kanaly: https://interslavic.fun/resources/

Kontent na MS jest potrěbny za govoriteljev MS i za govoriteljev slovjanskyh jezykov, ktore mogut razuměti to bez učenja MS.

My vidimo v komentarah, večinstvo pogledateljev sut slovjanskojezyčni ljudi ne znajuči MS. 

Tutčas ne jest.

Anglijsky jezyk jest dobry jezyk, ale mogut byti situacije, kogda pomože medžuslovjansky jezyk. Mnogi Slovjani ne razumějut anglijsky směsta, ale MS razumějut směsta.

Ješče, anglijsky jezyk može byti barjerom komunikacije. Napr. to govori jedin iz avtorov MS Vojtěh Merunka:

Medžu govoriteljami anglijskogo jezyka, slovjanske jezyky imajut reputaciju težkyh za učenje, ale anglogovorěči ljudi često zabyvajut, že to rabotaje v obedve strany: za Slovjan anglijsky jezyk takože jest čudži jezyk s komplikovanoju ortografiju, směšanym slovosborom, neregularnoju gramatikoju i čudnoju fonetikoju.

V rezultatu, mnogi Slovjani znajut jedino bazove věči na anglijskom, ne mogut polnocěno govoriti i sut prinudženi izběgti komunikaciju.

Anglijsky jezyk ne dozvaljaje polnocěno izraziti specifiku slovjanskyh kultur (pěsnje, narodna kuhnja, oblačenje) - jest težko izraziti kulturno naslědstvo anglijskymi frazami.

Na žalj, ni jedin prirodny slovjansky jezyk ne jest razumlivy bez učenja.

Ne. MS jest nepolitičny projekt. On jest lingvističny projekt za turistiku, kulturu, biznes.

MS ne jest panslavizm. MS jest nepolitičny projekt.

To znači MS pomagaje komunikacije, ale ne hoče zaměniti ni jedin živy slovjansky jezyk kako narodny jezyk ili jezyk vysokoj literatury - my imajemo naše prěkrasne narodne jezyky za to.