Bonus FAQ o medžuslovjanskom na medžuslovjankom💎 Бонус FAQ о меджусловјанском
One byli najdene v raznorodnyh komentarah na čatah za 2023 lěto.
FAQ cělkom sut na susědnom postu.
Q: Kde jest medžuslovjansky jezyk v realnosti i kto jim govori?
My jesmo slyšali, že ljudi govorili v turističnyh putovanjah, v hotelah, v klinikě, na naučnyh konferencijah.
Q: Kogda ja uču sebe češsky ili kitajsky jezyk, ja dobyvaju pristup do kultury Čehiji ili Kitaja. No na medžuslovjanskom jezyku govoret ne tako mnogo ljudij. On davaje pristup do někakoj kultury?
Medžuslovjansky jezyk ulěgčil poznavanje vseh slovjanskyh kultur, v turistikě i on-line.
Govoritelji medžuslovjanskogo jezyka skazali, že jezyk pomagal jim v turističnyh putovanjah v Sloveniji, Čehiji, Srbiji i drugyh slovjanskyh krajinah. Oni imali tam dobre besědy s ljudami, ktori ne znali MS, no razuměli MS.
Něktori govoritelji skazali, že MS byl pomočny jim v profesije, za komunikaciju s kolegami raboty.
Govoritelji medžuslovjanskogo jezyka skazali, že on pomagal jim najdti pěsnje, filmy, naučne članky i drugy kontent, pisany na različnyh slovjanskyh jezykah v Internetu - oni dobro orientovali se v slovjanskyh segmentah Interneta.
To jest možno hvala tomu, že učenje medžuslovjanskogo jezyka nemnogo pomagaje razuměti slovjanske jezyky i dobro pomagaje orientovati se v slovjanojezyčnyh prostorah.
Q: Komu jest potrěbno učiti se?
Vsim ne jest trěba se učiti medžuslovjansky jezyk, ale jedino ljudjam, ktori aktivno rabotajut v turistikě, kulturě, biznesu. Ale vsi drugi 400 milionov slovjanskojezyčnyh ljudij na světu mogut koristiti razumlivost pisanomu ili slyšanomu medžuslovjanskomu jezyku bez učenja.
Vsaky člověk može medžuslovjansky jezyk svobodno i bezplatno koristiti vsekako hoče, ako li medžuslovjanskym jezykom ne razrušaje ljubov, toleranciju, ili bratstvo člověka k člověku.
Q: Či pomogaje li MS razuměti druge slovjanske jezyky?
Q: Kto jest avtor MS? On jest jedin?
Jan van Steenbergen, Vojtěch Merunka, Ondrej Rečnik, Gabriel Svoboda, Andrej Moraczewski, Michal Borovička, Igor Polyakov, Steeven Radzikowski, drugi avtori.
Standartizacija 2017: Jan van Steenbergen, Vojtěch Merunka, Roberto Lombino, Michal Swat, Pavel Skryljov.
Dodatočno ko tomu, MS razvivaje se v živoj praktikě tvorcami, i mnogo novogo slovosbora, sintaksa i t.d. ne sut ješče nikde dokumentovane.
Q: Za čto vy tvorite jezyk ručno? Za čto vy ne tvorite AI-model ktory by pisal směšane teksty?
Jest legko iztvoriti nekvalitetny medžuslovjansky pri pomoči AI, ale ne jest tako prosto iztvoriti kvalitetny razumlivy jezyk.
Q: Kako dobro govoritelji MS razumějut jedin drugogo?
Slovjani, ktori ne učili se MS, razumějut jemu 65-95%.
Ljudi, ktori učili se MS, razumějut jemu polnocěnno. My slyšimo od govoriteljev MSa, že za njih govor na MS imaje točny smysl.
Q: Ktory metod učenja MS jest najvyše popularny tutčas?
Věčinstvo ljudij hčut učiti se MS na kursu MS. Ale na praktikě mnogi govoritelji MS naučili se sposobom govorjenja v čatah, čitanjem gramatiky i gleděnjem kontenta.
Odgovory byli najdene v raznorodnyh komentarah na čatah i postah za 2023 lěto, to jest prěloženje personalnyh mněnij.
+
Link na dobry tekst za poznavanje s MS:
What’s the big deal with Interslavic? (na anglijskom jezyku)
What’s the big deal with Interslavic?
https://vk.com/@kulturaslowianska-mezhslavyanskii-yazyk-eto-yazyk-kotorym-ya-polzuus-5-mesyace (na russkom jezyku)