U23 OSIYO CHEMPIONАTI

Mamlakatimizda o‘tkazilayotgan futbol bo‘yicha U23 Osiyo kubogida O‘zbekiston Olimpiya terma jamoasi ikkinchi uchrashuvini Qatar terma jamoasiga qarshi o‘tkazdi. Ushbu uchrashuvda talabalarning darsdan bo‘sh vaqtlarini mazmunli o‘tkazish hamda sportga bo‘lgan ishtiyoqini ya'nada oshirish maqsadida "Paxtakor" stadionidan tomosha qilishlari tashkillashtirildi.

Qatarga qarshi kechgan bahsda vakillarimiz yirik 6:0 hisobida g‘alaba qozonib, muddatidan avval chorak final yo‘llanmasini qo‘lga kiritishdi. Qayd etish joiz, bu musobaqa tarixidagi (U23 turnirida) eng yirik g‘alaba bo‘ldi. Bungacha turnir tarixidagi eng yirik hisob 5:0 bo‘lib, 2016 yilda Janubiy Koreya Yaman ustidan, 2020 yilda esa Tailand Bahrayn ustidan shunday hisobda g‘alaba qozonishgan edi.

Yoshlarimiz muddatidan avval guruhda 1-o‘rinni qo‘lga kiritib bo‘lishdi. Boisi, Eron va Qatar har qanday holatda ham bizga yeta olishmaydi. Turkmaniston esa ochkolar bo‘yicha tenglashganda ham o‘zaro o‘yin bo‘yicha ortda boʼladi.