Birinchi kurs maktabi

Toshkent sh. 09.09.2022 yil

TTB fakulteti tyutorlari hamda yuqori kurs talabalari ishtirokida birinchi kursga qadam qo‘ygan talaba yoshlarga universitet bilan tanishtirish va ularni o‘qishlari davomida qiyinchiliklarga uchrashlarini oldini olish maqsadida "Birinchi kurs maktabi" universitet bilan tanishtiruv darslari tashkil etildi.

Tadbirda birinchilardan bo‘lib “V.Q.Qobulov nomidagi texnika yo‘nalishi bo‘yicha talabalar o‘quv zali” bilan yaqindan tanishtirilib, u yerda yaratilgan shart sharoitlar to‘g‘risida so‘zlab berildi.

So‘ngra universitetda joylashgan kutubxona, sport zallari, muzeyga tashrif buyurildi.

Muzey ekisponatlari hamda o‘quv poligonidan joy olgan jihozlar bilan talabalar yaqindan tanishtirildi.

Bundan tashqari talabalar sport majmuasida bo‘lib, majmua bilan tanishtirildi.

Sport majmuasida joylashgan basketbol o‘yingohida IIB hodimi tomonidan targ‘ibot va tashviqot ishlari o‘tkazilib, ularga berilgan imkoniyatlardan unumli foydalanish ularni asrash, zarar yetkazmaslik universitet ichki tartib qoidalariga rioya etish, korrupsiya halokatga yo‘l va kechirib bo‘lmas jinoyat ekanligi hamda buning uchun qonun oldida javobgarlik muqarrarligi to‘g‘risda so'z yuritildi.

Ochiq osmon ostida talabalarga kredit-modul tizimi, GPA ballari, yozgi maktab, hamda universitet odob ahloq qoidalari to‘g‘risida tushuntirish ishlari olib borildi.

Tadbir so‘ngida talabalarga omad tilanib, tadbirni tashkillashtirishga amaliy yordam ko‘rsatgan yuqori kurs talabalari hamda IIB xodimlariga minnatdorchilik bildirildi.