"mGov Kashkadarya" yangi iqtidorlarni kashf etdi!

Avval xabar berganimizdek, IT PARK Uzbekistan va bir qancha homiy hamda hamkor tashkilotlar tomonidan Qashqadaryo viloyatida "mGov Kashkadarya" mobil ilovalarni yaratish ko'rik-tanloviga start berilgan edi. O'tgan bir oy davomida qashqadaryolik 100 dan yosh dasturchilar tanlovning 7 ta yo'nalishlari:

- Ta'lim;

- Ijtimoiy himoya;

- Qishloq xo'jaligi;

- Tibbiyot;

- Qurilish;

- Energetika;

- Aholi bandligini ta'minlash

sohalarida mobil ilovalar yaratib, ro'yxatdan o'tishgan edi.

30-iyun kuni Qashqadaryo viloyati Yoshlar ishlari agentligida o'tgan ko'rik-tanlovning Yakuniy bosqichida jami 16 ta jamoa a'zolari ishtirok etdi va g'oliblarni Taqdirlash marosimi bo'lib o'tdi. Tanlov natijalariga ko'ra hakamlar hay'ati tomonidan eng zo'r va foydali deb topilgan mobil ilovalar mualliflari "Fractall", "CWC Logistics" va "Dozolab" jamoalari g'oliblikni qo'lga kiritishdi.

Tanlov so'ngida barcha ishtirokchilar va sovrindorlar qimmatbaho sovg'alar, sertifikatlar bilan taqdirlandilar. IT Park tomonidan Viloyatimizda muvaffaqiyatli o'tgan tanlov, endilikda Respublikamizning boshqa hududlarida ham o'tkazilishi rejalashtirilgan. Tanlovda ishtirok etib o'z bilim-salohiyatingiz, tajribangizni oshirish imkoniyatini qo'ldan boy bermang. Bizni kuzatib boring, IT Park iqtidorli dasturchilarni kashf etishda, ularni taqdirlashda davom etadi!!!!