"Yetakchilar forumi" bo‘lib o‘tdi!
O‘zbekiston yoshlar ittifoqi va Oliy ta’lim, fan va innovatsiyalar vazirligi o‘rtasida imzolangan qo‘shma qarorga asosan mamlakatimizdagi barcha oliy ta’lim muassasalarida Boshlang‘ich tashkilotlar tashkil etilgan bo‘lib, ularda Yoshlar yetakchilar va yo‘nalish koordinatorlari faoliyat olib boradi. Oliy ta’lim muassasalaridagi boshlang‘ich tashkilotlar tomonidan turli tanlolovlar, tadbirlar va uchrashuvlar hamda yoshlarning taklif va tashabbuslarini qo‘llab-quvvatlashga qaratilgan loyihalar amalga oshiriladi.
Forumning maqsadi Oliy ta’lim muassasalaridagi yoshlar yetakchilari faoliyatining yillik sarhisobi, faol va namunali faoliyat olib borayotgan yetakchilarni rag’batlanatirish, amalga oshirilgan ishlar tahlili va istiqboldagi rejalar haqida hamkor tashkilotlar bilan o‘zaro tajriba almashishdan iboratdir.
Forumda respublikamizdagi mamlakatimizning barcha oliy ta’lim muassasalaridagi Yoshlar yetakchilari ishtirok etishdi.
Forum jarayonlari 21-dekabr soat 10:00 da Toshkent shahridagi Yoshlar ijod saroyida O‘zbekiston Respublikasi davlat madhiyasi bilan boshlandi. Tantanali ochilish marosimida O‘zbekiston yoshlar ittifoqi Markaziy Kengashi raisi X.Sattarov, Oliy ta’lim, fan va innovatsiyalar vaziri K.Sahripov, O‘zbekiston Respublikasi yoshlar ishlari agentligi direktori A.Sadullayev ishtirok etib, Yoshlar yetakchilariga va forum ishiga omad tilashdiyoshlar yetakchisining faoliyati haqidagi videorolik namoyishi bo‘ldi. Shundan so‘ng, O‘zbekiston yoshlar ittifoqi tomonidan talaba-yoshlar yo‘nalishida amalga oshirilgan ishlar bo‘yicha maxsus rolik namoyish etildi. Marosim yakunida hamkor tashkilot rahbarlari va ekspertlarimiz o‘z fikr mulohazalarini bildirishdi.
Forumning ikkinchi qismi ishtirokchilar uchun muhim va qiziqarli mavzulardagi seminar trenignlar bilan davom etdi. Xususan, “Zamonaviy lider psixologiyasi”va“Zamonaviy boshqaruv usullari”mavzularida ekspert mutaxassislar tomonidan interaktiv o‘quv treninglar o‘tkazildi.
Forumning uchinchi qismida tadbirkor-influenserlar Muxammadali Eshonqulovhamda “Millat umidi Universiteti” asoschisi tajribali tadbirkor Umidjon Ishmuhamedovning motivatsion uchrashuvlar bo‘lib o‘tdi.
Shundan so‘ng estradamiz yorqin yulduzlari ishtirokida konsert dasturi tashkil etilib ishtirokchilarga yuqori kayfiyat ulashildi.
Forum yakunida Yil davomida faol va na’munali tarzda faoliyat olib borayotgan yoshlar yetakchilari qimmatbaho va esdalik sovg’alari bilan taqdirlandi.
https://drive.google.com/drive/folders/12PWLs_C97Mr28UaxlFf6ymV7CBoDL8kK?usp=sharing
