СИЗ ҚОНУННИ БИЛАСИЗМИ?
Давлат хавфсизлик хизмати Чегара қўшинлари Қашқадарё вилояти Миришкор туманида жойлашган ҳарбий қисмларнинг бирида “Сиз қонунни биласизми?” шиори дорасида “Тафаккур” интеллектуал уйини ўтказилди.
2-июль - Ўзбекистон Республикаси давлат герби қабул қилинган кунни муносиб нишонлаш мақсадида ташкил этилган ушбу тадбирда Ўзбекистон Ёшлар иттифоқи вилоят кенгаши ҳарбий қисмлар билан ишлаш бўлим бошлиғи майор И.Абдуҳолиқов, ҳарбий қисм офицерлари майор А.Даулетмуратов ва капитан Б.Расулджановлар қатнашдилар.
Тадбирда 1-ЧҚВнинг “Ватанпарварлар”, 2-ЧҚВнинг “Фидокорлар” ва 3-ЧҚВнинг “Сарҳад” жамоалари ўзаро баҳс олиб боришди. Тадбир якунига кўра 3-ўринни 2-ЧҚВнинг “Фидокорлар” жамоаси, 2-ўринни 1-ЧҚВнинг “Ватанпарварлар” жамоаси ва 1-ўринни 3-ЧҚВнинг “Сарҳад” жамоаси қўлга киритди. Ғолиблар Ўзбекистон Ёшлар иттифоқи вилоят кенгаши томонидан қимматбаҳо совғалар билан тақдирланди.
Тадбир сўнгида, майор А.Даулетмуратов томонидан ҳарбий хизматчиларга коронавирус инфекциясидан ҳимояланиш ва тозаликга риоя қилиш бўйича кўрсатилган йўриқномалар юзасидан қўшимча тушунтириш ишлари олиб борилди.