𝐃𝐚𝐫𝐤𝐧𝐞𝐬𝐬

𝟏𝟐-𝐪𝐢𝐬𝐦

“Ana Xuang aytganidek: Maftunkor shahzodadan oddiy ritsar avzalroq.”

Pov author

Podvalda zulmkor muhit hukm surar, devorlarga singib ketgan namlik sukunatni yanada og‘irlashtirardi. Shiftga osilgan lampochkaning xira nuri qorong‘ulikni zo‘rg‘a yoritarkan, xonaning qoq markazida yuzi koʻkarib, qonga belangan Lusiano stulga mahkam bog‘langancha oʻtirardi. Uning qarshisida esa Taehyung turardi.

– bu yerdaligingni sababini tushunayotgandirsan Lusiano? — dedi Taehyung.

– janob Kim… bu xato edi! Men uni sizning xotiningiz ekanini bilmagandim! — dedi Lusiano vahimadan titrab.

– sen menga tegishli bo‘lganga qo‘l tekkizding. Bu esa eng jiddiy jinoyatdir.

Taehyung barmog‘i bilan ishora qilgach, soqchilar uni xonaning burchagidagi xavfli qurollar bilan toʻla stol tomon sudrab borishdi.

Vaziyatining naqadar jiddiyligini anglagan Lusiano yuragi siqilib, umidsizlik girdobiga tushdi.

– xotinimga tegishga jur’at etishdan oldin oqibatlari haqida o‘ylab ko‘rishing kerak edi. Endi barchasi uchun javob berasan.

Taehyungning ishorasi bilan odamlari harakatga kelarkan, bir necha daqiqa ichida podvalni Lusianoning ogʻriqdan chiqayotgan nolalari to‘ldirdi. Taehyungning odamlari shavqatsizlarcha Lusianoni urib, turli xavfli qurollar orqali qiynasharkan, Taehyung mamnunlik bilan buni kuzatdi.

Birozdan soʻng Taehyungning odamlari toʻxtagach, Taehyung oyoqlari ostida deyarli jonsiz yotgan Lusianoga yaqinlashdi.

– bu lahzani yodingda saqla Lusiano. Har doim senga tegishli bo‘lmaganga qo‘l uzatganingda, qanday azob seni kutishini esla.

Taehyung Lusianodan uzoqlasharkan, odamlaridan biriga ishni yakuniga yetkazishlarini buyurib podvalni tark etdi.

* * *

Yonida Jungkook va Jimin bilan uyga kirgan Taehyung, darhol xizmatchiga yuzlandi.

– Ariana qayerda?

Xizmatkor ta’zim qilib javob berdi.

– xush kelibsiz janob, xonim yotoqxonada.

Taehyung yuqori qavatdagi yopiq eshikka qarab bir zum to‘xtadi, so‘ng Jimin va Jungkook bilan birgalikda uydagi kichik ofisiga yoʻl olishdi. Ichkariga kirishdan oldin odamlarga qat’iy buyurdi.

– hech kim bizni bezovta qilmasin.

Eshik yopildi.

Bu orada karavotda koʻrpaga oʻrangan holda qimirlamay yotgan Ariana telefoniga qarab, soat allaqachon kechki toʻqqizni ko‘rsatayotgan ko'rdi. Soʻng yotoqxonadan chiqib, pastki qavatga tushdi.

– xonim kechki ovqatni olib kelaymi? — dedi xizmatkorlardan biri muloyim.

Ariana boshini chayqab, inkor etdi. Odatda Taehyung bilan ovqatlangani sabab yolg‘iz ovqatlanishga ko‘ngli bo‘lmadi.

– Taehyung kelganda birga ovqatlanaman.

– xonim janob Taehyung hozir xonasida janob Park va janob Jeon bilan uchrashuv o‘tkazmoqda. Hozir ovqatlanib olganingiz ma’qul.

Ariana qoshlarini chimirdi.

– Taehyung keldimi?

– janob taxminan uch soat avval kelganlar — dedi xizmatkor.

Ariana bosh qimirlatib, xizmatkorni jo‘natgach, birdan Jungkook va Jiminning ovozlari eshitildi.

– salom Ariana — dedi Jimin samimiy ohangda.

– hayrli kech janob Jimin va janob Jungkook.

– hayrli kech — dedi Jungkook.

Qisqa suhbat davomida Ariana ularni kechki ovqatga taklif qildi, ammo Jungkook va Jimin ularni uyda kutayotishayotganini, buning ustiga kech bo‘lib qolganini aytib ketishdi.

Ular ketgach Ariana chuqur nafas olib, Taehyungning xonasi tomon yo‘l oldi. Xona eshigiga yaqinlashganida, Taehyungning qo‘riqchisi qo‘lini ko‘tarib, yo‘lini to‘sdi va kirishiga ruxsat yo‘qligini bildirdi.

– kechirasiz xonim, janob Kimning buyrug‘iga ko‘ra, uning ruxsatisiz hech kim ichkariga kira olmaydi.

Ariana hayratdan qoshlarini chimirdi.

– ammo uchrashuv tugadi-ku, shunday emasmi?

Qo‘riqchi sekin bosh chayqadi.

– yo‘q, xonim. Hozir yana bir uchrashuv bo‘lib o‘tmoqda.

– lekin men uning xotiniman, uni ko‘rishim uchun ruxsat so‘rashim shart emas!

– kechirasiz, lekin janobning ruxsatisiz sizni ichkariga kiritolmayman…

– menga baribir! — dedi Ariana tishlarini g‘ichirlatib, g‘azab aralash ovozda.

Ariana endi na qo‘riqchini, na oqibatni o‘yladi. Eshikni bor kuchi bilan itarib ochdi-da, ichkariga kirdi.

Xona ichkarisida Taehyung qarshisidagi erkaklar bilan keskin suhbat olib borarkan, eshik ochilgan zahoti uning eʼtibori ichkariga kirgan Arianaga qadaldi.

Ariananing ortidan qo‘riqchi ham xonaga kirdi.

– kechiring janob, xonim...

– CHIQING!

Xonadagi havo bir zumda muzlab ketgandek bo‘ldi. Ariana ham, xonadagi boshqa erkaklar ham uning g‘azabidan titrab ketishdi.

Ariana chuqur nafas olib, ko‘zlariga yosh toʻlgandan pastga qaradi. Birdan Taehyungning mushti stolga urilgach, Ariana choʻchib tushdi.

– kechirasiz… — degancha Ariana ortga burilib, xonadan chiqishga shaylanarkan, xonadagi erkaklar Arianadan avval u yerni tark etishdi.

– eshikni yopib, bu yerga kel — dedi Taehyung.

Ariana ikkilanib bo‘lsa-da, Taehyungni oldiga bordi.

– sizni bezovta qilganim uchun uzr so‘rayman.

Taehyung stulini orqaga surdi-da, Arianani o‘ziga tortib, tizzasiga o‘tqazdi.

– nega yig‘layapsan?

– mendan jahlingiz chiqdimi?

– yo‘q, nega bunday deyapsan?

– kelganingizni menga aytmadingiz, qolaversa qo‘riqchiga meni kiritmaslikni buyurdingiz va men xonaga kirganimda jahlingiz chiqdi…

– azizim uchrashuv muhim boʻlgani sabab qoʻriqchiga hech kimni kiritmaslikni buyurgandim.

Taehyung Ariananing lablarini oʻziniki bilan tutashtirib qisqa boʻsa oldi.

– ovqatlanamizmi? — dedi Taehyung Arianani oshxonaga boshlab.

– yaxshi.

Ovqatlanishdan avval u Ariananing lablaridan boʻsa oldi. Shu onda xonani iliq, sokin va samimiy atmosfera egalladi.