𝐃𝐚𝐫𝐤𝐧𝐞𝐬𝐬

𝟗-𝐪𝐢𝐬𝐦

"Ayolining oldida tiz cho‘kish erkakni zaiflashtirmaydi, aksincha, bu holat uning cheksiz sevgisi, sadoqati va tanlagan insoni oldidagi hurmatining eng yuksak ifodasidir."

Pov author

Quyoshning yorqin nurlari xonaga tushib, xona ichini sokin va mayin yorug‘lik bilan to‘ldirardi. Bu tong yangi boshlangan muhabbat yo‘lining ilk sahifasidek edi.

Taehyung hanuz Ariananing endi butunlay o‘ziniki ekaniga ishonolmay, quchogʻida sokin uxlayotgan go‘zal xotiniga qararkan, uning tanasida qolgan izlar Taehyungni jilmaytirdi.

Ariana yuziga tushayotgan quyosh nuridan g'inshigancha asta koʻzlarini ocharkan, qarshisida unga tikilayotgan Taehyungni koʻrib tabassum qildi. Taehyung lablarini Ariananiki bilan birlashtirib, qisqa boʻsa oldi va undan uzoqlashdi.

– xayrli tong Kim xonim — dedi Taehyung jilmayib.

– sizga ham xayirli tong janob Kim.

– kechagi kechadan soʻng xotinjonim ancha gapga usta boʻlib qolibdimi?

– Taehyung — degancha qizarib ketgan Ariana yuzini koʻrpa ostiga berkitdi.

– nima boʻldi axir gapim toʻgʻriku, balki shunday gapga usta boʻlishing uchun kechagi tunni koʻproq takrorlab turarmiz.

– bas qiling, boʻlmasa siz bilan gaplashamayman...

– yaxshi boʻldi gapirmayman, faqat men bilan gaplashsang boʻlgani.

Ariana asta yuzini ko'rpadan chiqarib, Taehyungga qaradi.

– qani endi turaqol, nonushta qilamiz — degancha Taehyung oʻrnidan turib, oshxonaga yoʻl oldi.

Taehyung xonani tark etgach, Ariana ham oʻrnidan turib dush qabul qildi, soʻng kiyimlarini oʻzgartirib, oshxona bordi.

* * *

Nonushta yakunlangach, ular shaharni tomosha qilgani chiqishdi. Shaharning har bir burchagi va xiyobonini yaxshi bilgan Taehyung Arianani Parijdagi eng go‘zal maskanlarga olib bordi. Ariana esa shahar go‘zalligini kamerasiga muhrlardi.

Ular savdo markazining zargarlik buyumlari bo‘limini aylanib yurgan paytlarida Taehyungning telefoni jiringlab qoldi. Taehyung tezda qo‘ng‘iroq qiluvchiga ko‘z yugurtirib, qayta Arianaga qaradi.

– xohlagan narsangni tanla azizam. Tezda qaytaman, shoshilinch qo‘ng‘iroq — degancha Ariananing peshonasidan o‘pib, uzoqlashdi.

Ariana vitrina oldida to‘xtab, marjonlarni tomosha qilgach, sotuvchiga yuzlandi.

– oddiyroq, lekin nafis biror narsa koʻrsata olasizmi? — dedi Ariana muloyimlik bilan.

Sotuvchi yigit darhol vitrinadan eng nafis, nozik did bilan ishlangan beshta zanjirli marjonni chiqardi.

– bu to‘plamlar faqat kompaniyamizga xos. Ishonchim komilki, ularning har biri siz kabi go‘zal ayolga nihoyatda yarashadi.

Ariana sotuvchi yigitning nigohidagi ortiqcha qiziqishni payqab, biroz bezovta bo‘ldi, lekin bunga ahamiyat bermay diqqatini oldidagi marjonlarga qaratdi. Marjonlardan birini tanlagach, oyna qarshisida uni taqib ko‘rishga hozirlandi. Sochlarini bir tomonga surib, zanjirni taqishga urinayotganida sotuvchi yigit unga yaqinlashdi.

– yordam beraman — dedi marjonga qoʻl uzatib.

Ammo Arianaga tegishga ulgurmasidan, orqadan qat’iy ovoz eshitildi.

– xotinimdan uzoq tur.

Taehyungni koʻrgan sotuvchi darhol qoʻrquvdan boshini egdi.

– kechirasiz janob Kim — dedi-da tezda uzoqlashib, o‘z joyiga qaytdi.

Taehyung butun e’tiborini xotiniga qaratib, uning yoniga keldiyu yuzini muloyimlik bilan siladi.

– u senga biror narsa qildimi?

Ariana boshini sekin chayqadi.

– yo‘q.

Taehyung Arianani peshonasidan o‘pib, so‘ngra vitrinadagi marjonlarga nigoh tashladi.

– xoʻsh tanladingmi?

– hammasi juda chiroyli… qaror qila olmayapman, lekin mana bunisini taqishga yordam bering. Men shuni olaman — dedi Ariana qoʻlidagini koʻrsatib.

Taehyung marjonni uning qo‘lidan olarkan kulib qo‘ydi va ehtiyotkorlik bilan zanjirni bo‘yniga taqdi. Ariana oynada o‘z aksiga qararkan, yuzida mayin tabassum porladi.

– yarashdimi?

Taehyung Ariananing qulog‘iga yaqinlashib, past ovozda pichirladi.

– senga hamma narsa yarashadi xotinjon.

Ariananing yonoqlari qizarib, nigohini pastga qaratdi.

– to‘lovni amalga oshirib kelgunimcha, anavi yerda oʻtirib tur.

Taehyung toʻlov qilish uchun yo'nalarkan, Ariana oʻrindiqqa oʻtirdi. Taehyung nafaqat tanlangan marjonni, balki qolganlarini ham sotib oldi, xotinining quvonchini va yuzidagi hayratni ko‘rish uchun. Sotuvchi yigit ularni tayyorlab, sumkani uzatarkan, Taehyung uning yoqasidan tutdi.

– agar yana xotinimga yaqinlashgudek boʻlsang oʻldim deyaver... — degancha sotuvchini qo‘yib yuborib, Ariana yoniga qaytdi, go‘yo hech narsa bo‘lmagandek.

– ketdik xotinjon — dedi Taehyung Arianaga qo‘lini uzatib.

Ariana uning qoʻlini ushlab, divandan turdi. Ular do‘kondan chiqib, avtoturargoh tomon yo‘l olishgach, bir zum Ariana to‘xtab qoldi. Taehyung esa hayron bo‘lib unga qaradi.

– nimadir boʻldimi?

– nega menga ham to‘lashga ruxsat bermaysiz? Siz hamma narsa uchun pul to‘layapsiz, men esa…

Taehyung ko‘rsatkich barmog‘ini uning lablariga qo‘yib, gapini bo‘ldi.

– xotinjon, men tirik ekanman sen bir tiyin ham sarflamaysan. Hatto men bo‘lmasam ham, sen hashamat va osoyishtalikda yashashing uchun yetarlicha narsam bor.

– iltimos… o‘lim haqida gapirmang.

Bu so‘zlar bilan birga o‘tmish xotiralari Ariananing ongini egalladi. U hayotidagi yagona tayanchi bo‘lgan onasidan ayrilgach, zo‘rg‘a o‘zini tiklay olgandi. Ammo Taehyung… agar u bilan ham biror narsa bo‘lsa, bu og‘riqqa dosh bera olmasdi. Ariana allaqachon Taehyungga juda bog‘lanib qoldi. Balki kechagi kecha sabab, balki allaqachon yuragida paydo bo‘lgan muhabbat tufayli.

– hazillashdim, menga hech narsa bo‘lmaydi, sevgilim. Nega yig‘layapsan? — dedi Taehyung Arianani koʻzlaridan oqayotgan yoshni koʻrib, bagʻriga tortgancha.

– hamma meni tashlab ketadi… oxiri hamma meni yolg‘iz qoldiradi…

Taehyung xotinining og‘ir va murakkab o‘tmishidan to‘liq xabardor edi. U Ariana boshidan kechirgan har bir yo‘qotishni, har bir jarohatni bilardi. Shu sababdan uni yanada mahkam quchoqladi, go‘yo bu quchoq bilan o‘tmishdagi barcha yomon xotiralarini o‘chirib tashlamoqchi bo‘lgandek.

– sen yolg‘iz emassan, men doimo sen bilanman.

Taehyung Arianani qo‘llariga ko‘tarib, mashinasi tomon yo‘l oldi. Ariana esa qoʻllarini uning boʻyniga o‘radi. Mashina oldiga yetib kelishlari bilan Taehyungning odamlaridan biri eshikni ochdi.

– sumkalarni orqa o‘rindiqqa qo‘yib, ketaveringlar.

Buyruq darhol bajarildi.

Taehyung haydovchi o‘rindig‘iga o‘tirarkan, Arianani hanuz bag‘ridan qo‘ymagandi. Mashina eshigini yopib, xotinining sochlarini muloyim silagancha asta yupatishga harakat qildi.

– sevgilim, men seni hech qachon tashlab ketmayman. Abadiy yoningda qolishga so‘z beraman.

Taehyung Ariananing qoʻllarini tutdi.

– seni yig‘latganim uchun juda afsusdaman… iltimos, ahmoq eringni kechir. Yig‘lama sevgilim. Seni bunday holatda ko‘rish menga chidab bo‘lmas darajada og‘ir…

Taehyung hayotida ko‘p narsani boshdan kechirgandi. Dushmanlarining o‘qlari ostida qolgan paytlarida ham o‘limni shunchalik yaqin his qilmagan. Ammo xotinining ko‘z yoshlarini ko‘rganida bu tuyg‘u unga bir qadam yaqinlashgandek bo‘ldi.

Birozdan so‘ng nihoyat Ariana tinchlanib, Taehyungning quchog‘ida uyquga ketdi. Taehyung xotinining peshonasidan o‘pib, chuqur nafas oldi. Xuddi yuragidagi og‘irlikni bir zumga bo‘lsada yengillatgandek.

– yig‘laganingda oʻzimni qanday his qilaman bilasanmi? O‘sha paytda o‘zimni bu sayyoradagi eng foydasiz erdek his qilaman…

Ariana uning quchog‘ida tinchgina uxlarkan, Taehyung sekingina dvigatelni ishga tushirib, pentxaus tomon yo‘l oldi.

* * *

Pentxausga yetib kelishgach, darhol Arianani yuqori qavatga olib chiqdi va karavotga ehtiyotkorlik bilan yotqizdi. Taehyung xotinini ustki kiyimlarini oʻzgartirgach, uni issiq ko‘rpa ostiga joylashtirdi. Soʻng oʻzi ham ustki kiyimlarini oʻzgartirib, Arianani yoniga yotdi.

– senga loyiq bo‘lish uchun nima qildim? — dedi Taehyung ehtiyotkorlik bilan Arianani quchoqlab.

– va’da beraman, endi ko‘zlaringdan hech qachon yosh oqmaydi.

Taehyung xotinini peshonasidan mehr bilan o‘pib, ko‘zlarini yumdi va xotirjam uyquga ketdi, bag‘rida sevgan ayoli, yuragida esa ilk bor topilgan osoyishtalik bilan.