Муаллиф тўғрисида
Унинг катта буваси таниқли шифокор бўлган, у Боткин ва Сеченов билан яқин таниш бўлган. Отаси тарафидан буваси — таниқли олим, биолог–генетик, кўп сонли давлат мукофотлар лауреати. 30 йилларда у Москва ва Санкт–Петербург шаҳридан таниқли олимлар гуруҳи таркибида Туркистонга Ўрта Осиё университетини (ҳозирги пайтда бу Ўзбекистон Миллий Университети) ташкил этиш мақсадида жўнатилган, кўп йиллар давомида биология факультети ва генетика кафедрасини бошқариб келган.
Бувиси, Римма Ивановна — тиббий фанлар доктори, профессор, хизмат кўрсатган фанлар арбоби, хизмат кўрсатган шифокор, 1949 йилдан 1979 йилгача Шифокорлар малакасини ошириш институтида патологик анатомия кафедрасини бошқариб келган. У нафакага чиққанида деярли 80 ёшга тўлган эди. Аммо шундан кейин ҳам у маслаҳатчи сифатида ҳар куни ишга боришни давом эттирган эди.
Отаси — шифокор-токсиколог, тиббий фанлар доктори, профессор, кўп йиллар давомида Ўзбекистон фанлар Академияси вице–президенти бўлган, биосферани сақлаш масалалари бўйича Бутун жаҳон соғлиқни сақлаш ташкилотининг доимий маслаҳатчиси бўлган.
Онаси — тиббий фанлар номзоди, шифокор-патологоанатом, асаб тизим шишларини ташхис қилиш бўйича таниқли мутахассис. У ҳозир 75 ёшда ва ҳамон нафакага чиқиш ниятида эмас.
Римма Корнееванинг ўзи 1983 йилда И.М.Сеченов номли Биринчи Москва тиббий институтини (ҳозир академия) тугатган, сўнг дерматовенерология бўйича ординатурани, РТФА меҳнат тиббиёти институтининг янги кимёвий моддалар токсикологияси лабораториясида аспирантурани битирган. Ўша пайтда у ерда косметика бирикмаларнинг токсинлигини ва хавфлилигини ўрганаётган ягона гуруҳ ишлаган. Аниқроғи – улар тери учун қанчалик хавфсиз ва фойдалигини текширишган.
1989 йилда у “Кимёвий моддалар токсинлигини ва хавфлилигини эспресс-баҳолаш усуллари” мавзусига номзод диссертациясини ҳимоя қилган. Диссертациянинг аксарият қисми косметологияга – фармацевтика ва косметика воситалари терига таъсир кўрсатганда уларнинг самарасини баҳолашга бағишланган.
Номзодлик диссертацияси камлик қилган. Билимларни айни косметология соҳасида такомиллаштириш керак эди, ва 1991 йилда, Шифокорлар малакасини ошириш институтида косметология кафедрасини битириб, у шифокор-косметолог ихтисослигини олган.
Сўнг кўп сонли курс ва косметология мактаблари бўлган — деярли ўша пайтда топиш мумкин бўлган барча мактабларда ўқиган, булар қаторида: испан косметологияси мактаби, француз касбий косметологлар мактаби, курортшунослик мактаби, курортшунослик институтида талассотерапия ва спа, Миланда “Трихология ва сочларни қайта улаш” мутахассислиги бўйича Италия имплантологлар тиббий жамияти курслари. Сўнг Бошқарув институтида косметика моллари ва хизматлари соҳасида менеджмент ва маркетинг курси бўлган.
Бундан сўнг билимларини тарқатиш пайти келган: Рус косметикаси уйи мактабида Римма Корнеева шифокор-косметологлар учун “Косметика кимёси” курсини ташкил этган, у ерда у умумий косметика бўйича лекциялар ўқиган ва касбий косметика — хизматлар ва косметика воситалари бозорини таҳлил қилган.
1995 йилда у KOSMETIK International журналининг илмий муҳаррири бўлди. Ўша пайтнинг ўзида журнал ва Халқлар дўстлиги институтининг эстетика тиббиёти кафедраси билан биргаликда яна битта мактабни ташкил этган, бу мактаб олий ва ўрта маълумотли косметологларни тайёрлаш учун мўлжалланган, мактаб ҳозирги пайтда ҳам ишламоқда. Шу билан бир вақтда у журнални таҳрир қилган, мақолалар чоп этган, косметологлар учун қўлланмалар, амалиёт билан шуғулланувчи косметологлар учун дарслик ва услубий йўриқномалар чиқарган.
1997 йилдан бошлаб ҳозирги кунгача Римма Корнеева Faberlic бош косметологи, илмий ишланмалар маркази раҳбари ва “Кислородли косметика” департаменти директори, косметология соҳасида 20 дан ортиқ патент ва кашфиётлар муаллифи.
Ҳамкасблар ва танишлар “Агар Римма Конеева косметика тўғрисида бирор нарса билмаса, демак бу нарса мавжуд эмас” деган фикрда қаттиқ туришлари ажаб эмас.