Qashqadaryo viloyatining olis aholi maskanlarida aloqa va Internet xizmatlari bilan taʼminlash uchun o‘rnatilgan baza stansiyalarga texnik xizmat ko‘rsatilmoqda

“O‘zmobayl” filiali Qashqadaryo hududiy bog‘lamasi tomonidan viloyatdagi uzoq borishi qiyin bo‘lgan aholi yashash maskanlarini aloqa va Internet xizmatlari bilan taʼminlash uchun o‘rnatilgan baza stansiyalarga texnik xizmat ko‘rsatish xamda profilaktika ishlari olib borilmoqda.

2022-yil 13-fevral kuni “O'zMobayl” filiali Qashqadaryo hududiy bog‘lamasi xodimlari tomonidan Shahrisabz tumani G‘elon va Ko‘l qishloqlari o‘rtasida o‘rnatilgan baza stansiyada texnik xizmat ko‘rsatish ishlari amalga oshirildi. Bugungi kunda, ushbu baza stansiya orqali aholiga 2G, 3G, 4G standartida aloqa va internet xizmatlari ko‘rsatilmoqda.

Shuningdek, Kitob tumaning tog‘liq hududdlari: Matmon, Aspiduxtar, Denovbola, Jovuz, Dehqonobod tumani Xujaipok, Buztepa, Torqopchug‘ay, Beliboyli, Oqrabot, Oqirtma va boshqa qishloqlarda o‘rnatilgan baza stansiyalarning uzluksiz ishlashini taʼminlash texnik xizmat ko‘rsatish ishlari amlga oshirilmoqda.