Ерлан Жағыпаровты еске алу

6 қаңтарда “Петроглиф ізшілері” командасы Нұра ауылының сыртындағы далаға аттанды. Ауыл маңайындағы зират басында біз досымыз, “Ізшілердің” ең белсенді волонтерлерінің бірі Ерлан Жағыпаровты еске алдық. 🫶

Ерлан 2022 жылы 6 қаңтарда Қаңтар оқиғасы кезінде қайғылы қазаға ұшырады.😭

Мамандығы құрылысшы, өз елінің адал патриоты болған Ерлан туған жері мен халқының өткенін сүйіп, ұқыптылықпен күзете білді. Ол бірнеше рет жаңадан табылған петроглифтерді археологиялық зерттеуге және “Арқарлы” археологиялық кешенін қорғауға қатысты. Оның белсене атсалысуымен арнайы құрылғылармен ұсақталған бір жарым тонна салмақтағы бірегей түркі петроглифтері бар панноның фрагменті көтерілді.

Ерлан тарихты сақтауға тырысқан әуесқой археолог қана емес, тамаша адам әрі дос болды. “Ізшілердің” әрқайсысы қандай қиын жағдай болмасын, кез келген сәтте Ерланның көмектесуге келе алатынын білді.🙏

Жаназа намазы мен құран бағыштаған сайын ол достарына келе жатқандай сезім болады. Бұл жолы да бейіт басында тұмшалаған бұлттың арасынан күлімдеп күн көрінді. ☀️

Оның ісіне қатысты тергеу әлі жалғасуда. Ерланның туыстары мен достары, “Ізшілер” командасы және осы тамаша адамды білетіндердің барлығы тергеу әділетті өтіп, кінәлілер лайықты жазасын алады деп үміттенеді.☝️

Осы аралықта Ерлан өзін білген ел есінде ғана емес, нақты істермен де өмір сүріп келеді. Ерлан Жағыпаровты еске алуға арналған халық археологиялық экспедициясы Ордакүл петроглифтік кешенін зерттеп, құжаттандыру бойынша екінші жыл жұмыс істеп жатыр.

Жұмысты Ерланның ағасы, қазақстандық кәсіпкер және меценат Нұрлан Жағыпаров қаржыландырады. ❤️

Сурет: Сергей Алексеенок пен Ольга Гумирова