Қызылтас жотасындағы жаңа олжалар

Өткен демалыс күндері «Петроглиф ізшілері» қоғамдық қорының еріктілері Қызылтас жотасын барлау жұмыстарын жалғастырды.😉 Онда «Темірбетон» ЖШС жүргізіп жатқан өңдеулерге қатысты жағдай әлі толық шешілген жоқ, сондықтан еріктілер мүмкіндігінше жотаны көбірек зерттеуге тырысуда. Жиналған нәтижелер бұл кешеннің тарихи-мәдени құндылығының бұлтартпас дәлелі болуы керек. ☝️
«Ізшілер» координаторы Ольга Гумирова мен талдықорғандық еріктілер Динара Серікова, Рафаэль Хисматуллин және Рамис Атабаев жотаның солтүстік-батыс бөлігіндегі шатқалды зерттеді. 💪
Барлау сәтті өтті. Петроглифтер салынған бірнеше троптар, сондай-ақ суреттердің бірнеше үлкен тобы табылды. Табылған петроглифтердің ішінде ең көп таралған композиция – ешкі мен лағының бейнесі. Бұл бейне түркілер арасында Ұмай тәңірінің символы болды. Кейбір сызбалардың биіктігі бір жарым метрге дейін жетеді. Табылған сызбалардың көпшілігі сақ дәуірі мен түркі дәуіріне жатады. Дәл осы кезеңде бұл аймақ ата-бабаларымыз үшін қасиетті мақсатқа ие болса керек. Мұнда Ұмайға арналған белгілі бір рәсімдер болып тұрған. 🙏
Бұл жерден сызбалардан басқа, ежелгі қоныстардың қалдықтары да табылды. Нақты мәліметті арнайы зерттеулер көрсете жатар. Әзірге Қызылтас жотасы мыңдаған жылдар бойы шаруашылықтың ірі ошағы, адамзаттың рухани өмірінің киелі орталығы болды деп нық сеніммен айта аламыз.
Жақын арада «Ізшілер» толыққанды барлау мен кешенді сертификаттауға дайындау үшін осы жерлерге тағы бірнеше экспедиция жоспарлап отыр. 🫶

Суретті түсірген Ольга Гумирова